Ulttyq qurama 13-orynnan 9-satyǵa kóterildi.
Qazaqstan ulttyq quramasy Halyqaralyq tenıs federasıasy (ITF ) Devıs kýbogy reıtıńindegi kórsetkishin jaqsartty, dep habarlaıdy Almaty-akshamy.kz Qazaqstan tenıs federasıasyna silteme jasap.
Qazaqstan tenıs federasıasy málim etkenindeı, ulttyq qurama 13-orynnan 9-satyǵa kóterildi. Osylaısha Qazaqstan quramasy úzdik ondyqqa kirdi. Bul Devıs kýbogy irikteý kezeńinde Norvegıa quramasyn jeńýi arqasynda múmkin boldy. Sóıtip, álem chempıonatynyń fınaldyq kezeńine joldama alǵan edi.
Devıs kýbogynyń fınaldyq kezeńi bıyl qyrkúıek aıynda, pleı-off básekeleri qarashada ótedi. Fınal men pleı-off oıyndary bolatyn qalalar naýryzdyń aıaǵy ne sáýirdiń basynda anyqtalady.