Jergilikti polısıa qyzmeti basqarmasynyń aqparatyna sáıkes, qazirgi kezeńde oqıǵa ornyndaǵy is-shara negizinen profılaktıkalyq sıpatta bolady.
Raıymbek dańǵylynyń boıynda qaladan shyǵa beriste jańa jol aıryǵynyń salynýyna baılanysty, kólik qozǵalysyn kezeń-kezeńimen retteý jumystary júrgizildi. Tájirıbe kórsetkendeı, bul aýmaqta jol qozǵalysy erejelerin júrgizýshiler de, jaıaý júrginshiler de buzady, dep habarlaıdy Almaty-akshamy.kz Polisia.kz-ke silteme jasap.
«Jol qozǵalysynyń qıyndaýyn boldyrmaý, jol-kólik oqıǵalaryn azaıtý maqsatynda bul aımaqta patrúldik polısıa jasaqtarynyń jumysy kúsheıtildi. Turaqty negizde ınspektorlar qyzmet etedi. Olardyń birinshi kezektegi mindetterine profılaktıkalyq, quqyqtyq túsindirý sharalary, óreskel buzýshylyqtar anyqtalǵan jaǵdaıda, ákimshilik sharalar qabyldaý jatady», – dedi Almaty qalalyq PD JPQB patrúldik polısıa polkiniń komandıri Baýyrjan Hantemirov.
Al Ákimshilik polısıa basqarmasynda jańa jol aıryǵynda tıisti jol belgileri ornatylyp qoıǵanyn habarlady.
«Jaqyn arada “Sergek” júıesiniń beınekameralary ornatylady, onyń kómegimen atalǵan aýmaqtaǵy jaǵdaıdy onlaın baqylaýǵa, qoǵamdyq jáne basqa kólik júrgizýshileriniń de, jaıaý júrginshilerdiń de quqyq buzýshylyqtaryn tirkeýge bolady. Aıtpaqshy, jolaýshylar tasymalymen aınalysatyn kásiporyndarmen avtobýs júrgizýshileriniń jol qozǵalysy erejelerin qatań saqtaýy boıynsha jumystar júrgizildi», – dep habarlady Almatynyń ákimshilik polısıasynda.