Búgingi tańda álemde KVI-diń 176 mln-nan astam jaǵdaıy tirkelgen, táýligine 290 myńnan astam jaǵdaı tirkeledi. 3,8 mln-nan astam adam qaıtys boldy, ólim kórsetkishi 2,1% qurady.
QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologıalyq jaǵdaı qaraldy. Densaýlyq saqtaý mınıstri Alekseı Soı halyqty vaksınalaý barysy men qazirgi jaǵdaı týraly baıandady, dep habarlady Almaty-akshamy.kz. QR Premer-Mınıstrdiń saıtyna silteme jasap.
Densaýlyq saqtaý mınıstri atap ótkendeı, sońǵy aptada TMD elderinde, onyń ishinde Reseı Federasıasynda, koronavırýs ınfeksıasynyń óskeni baıqaldy. Ótken aptamen salystyrǵanda, vırýs anyqtalǵan jaǵdaılardyń sany 1,5 ese ósti, Máskeý qalasynda aýrýdyń ósýin eskere otyryp, qosymsha shekteý sharalary qaıta engizilýde.
«Qazaqstanda 15 maýsymdaǵy jaǵdaı boıynsha KVI+ 402 996 naýqas jáne KVI- 56 705 jaǵdaı tirkelgen. Pasıentterdiń 94% jazylyp shyqty. Qazaqstan Respýblıkasy 6 maýsymnan bastap "jasyl aımaqta" tur. Qyzyl aımaqta Nur-Sultan qalasy qalyp otyr. Qalǵan óńirler "sary" jáne "jasyl" aımaqtarda ornalasqan», — dedi Alekseı Soı.
Sońǵy aptada KVI anyqtalǵan jaǵdaılardyń sany 16%-ǵa tómendedi. Respýblıka boıynsha, 15 maýsymdaǵy jaǵdaıǵa sáıkes, ınfeksıalyq tósek-oryndardyń júktemesi 23% (6 655 tósek), reanımasıalyq tósek-oryndarynyń júktemesi 21% (568 tósek) qurady. Juqpaly aýrýlar stasıonarlaryndaǵy tósek-oryndar júktemesi men aýrýshańdyq joǵary bolǵan 7 óńirge mınıstrliktiń jumys toby bardy. Densaýlyq saqtaý basqarmalaryna óńirde medısınalyq kómekti uıymdastyrýdaǵy anyqtalǵan kemshilikterdi eskere otyryp, usynymdar berildi. Júrgizilgen jumys qorytyndysy boıynsha ınfeksıalyq jáne reanımasıalyq tósekter júktemesiniń oń dınamıkasy baıqalady. Birqatar óńirde kóp beıindi aýrýhanalarda ınfeksıalyq bólimshelerdiń jabylýy esebinen tósek qorynyń qysqarýy baıqalady (15 maýsymdaǵy jaǵdaı boıynsha 19 sáýirmen salystyrǵanda Almatyda tósek qorynyń qysqarýy 5,6 ese, Almaty oblysynda - 3,6 ese).
«Sońǵy aıda KVI+ jáne KVI- naýqastarynyń sany táýligine 2505-ten 757 jaǵdaıǵa deıin nemese 3,3 esege azaıdy, stasıonarlyq emdeýdegi naýqastar sany 2,1 esege, ambýlatorıalyq emdeýdegiler 1,7 esege azaıdy. Búgingi kúni vaksınanyń shamamen 4 mln dozasy paıdalanyldy, onyń ishinde 1-komponenti 2 547 363 adam aldy, bul vaksına alýǵa jatatyn halyqtyń 25,7%-yn quraıdy. Ekinshi komponentti 1 435 334 adam aldy», — dedi Alekseı Soı.
Búgingi kúni egý pýnktterinde vaksına dozalarynyń jetkilikti sany bar: birinshi komponenttiń shamamen 1,2 mln dozasy jáne ekinshi komponenttiń 914 myń dozasy. 1-komponentpen vaksınalaýdyń eń az paıyzy Mańǵystaý oblysynda — 13,2%, Qostanaı oblysynda — 19,5%; ekinshi komponent - Mańǵystaý oblysynda — 7,3%. Vedomstvo basshysynyń aıtýynsha, búgingi tańda Ashyq júıesi barlyq qyzmet salasyndaǵy 10 myńnan astam nysandy qamtıdy, 2 mln 100 myń paıdalanýshy tirkelgen. Vaksınalaý pasporty Ashyq qosymshasymen biriktirilýde. Maýsym aıynyń sońyna deıin Ashyq jobasyn áýejaılarda, temirjol vokzaldarynda engizý josparlanýda. Sonymen qatar Ashyq engizilgen sátten bastap PTR testiniń oń nátıjesimen 4401 jáne aýyrǵan adammen baılanysta bolǵan 3981 adam anyqtaldy.
«Ókinishke oraı, keıbir azamattar ózderiniń mártebesin bile otyryp, úıde oqshaýlaý rejımin saqtamaıdy, halyq kóp jınalatyn nysandarǵa barýǵa, el ishinde qozǵalýǵa tyrysady, osylaısha basqalarǵa juqtyrý qaýpin týdyrady jáne koronavırýstyń taralýyna yqpal etedi. Osyǵan baılanysty mınıstrlik karantındik rejımdi buzýshylar aıyppul túrinde ákimshilik jaýapkershilikke tartylatyn, onyń mólsheri 87 myń teńgeden asatyn erejelerdi bekitip, kúshine engizdi», — dedi Alekseı Soı.
Osy sharalardan basqa, bıznes sýbektileri óz obektilerinde halyq úshin qaýipsizdikti qamtamasyz etýi jáne shekteý sharalary men Ashyq jobasyna engizý kezinde qoıylatyn talaptardy qatań oryndaýy tıis. Sonymen qatar mınıstr atap ótkendeı, TMD elderinde jáne álemniń keıbir elderinde syrqattanýshylyqtyń qaıta ósýi buqaralyq is-sharalardy ótkizbeý, sondaı-aq negizgi aldyn alý sharalaryn – maska taǵý, qashyqtyqty saqtaý qajettigin taǵy da rastaıdy.
«Syrqattanýshylyq deńgeıin tómendetýdiń negizgi sharalarynyń biri — bul vaksına alý, osyǵan baılanysty óńirlerge vaksınalaý qarqynyn arttyrý boıynsha sharalar qabyldaý qajet», — dep túıindedi Alekseı Soı.