Óńirlik komýnıkasıalar qyzmetiniń ókilderi Almaty qalalyq Polısıa departamentiniń bastyǵy, general Aıdyn Qabdýldınovpen kezdesti, - dep habarlaıdy Aqshamnews.kz.
General Aıdyn Qabdýldınov bul qyzmetke osydan úsh kún buryn taǵaıyndalǵan. Ol jumysyn jýrnalısermen kezdesýden bastady.
Kezdesý barysynda oıǵa alynǵan negizgi bastamalar sóz boldy. Atap aıtqanda, Almatydaǵy barlyq mektepte kezeń-kezeńimen «Jas saqshy» deıtin mamandandyrylǵan synyptardy ashý jospary. Osy jumys aıasynda «Zań men Tártip» ıdeologemasy negizinde oqýshylarǵa quqyq sabaqtaryn ótkizbek. Bul óz kezeginde osy bastan jasóspirimderdiń quqyqtyq mádenıetin qalyptastyryp, polısıanyń bedelin ósirýge sep bolmaqshy.
Óńirlik komýnıkasıalar qyzmetiniń basshylyǵy general Aıdyn Qabdýldınovpen birlesip, 2026 jylǵa arnalǵan ortaq jumys josparyn da talqylady. Onda aqparat quralynyń ókilderimen tıimdi baılanys ornatyp, quqyq qorǵaý organdaryn barynsha qoǵamǵa ashyq etýge kúsh salmaq oıda.