2025 jyldyń qorytyndysy boıynsha elímízde 236 myńǵa juyq oqushy ornyna arnalǵan 162 mekteptíń qūrylysy ayaqtaldy, onyń íshínde 112 mektep «Keleshek mektepterí» ūlttyq jobasy ayasynda íske qosyldy.
Būl bílím beru ūıymdary 27 úshauysymdy jáne 11 apatty mektep máselesín sheshuge, sondaı-aq 160 myń oqushy ornynyń jetíspeushílígín joyuǵa múmkíndík berdí, - dep habarlaıdy Aqshamnews.kz sala mınıstrlígíne sílteme jasap.
Būl maqsatta byudjet qarajaty esebínen jáne ınvestıtsıyalar tarta otyryp júıelí jūmystar júrgízílíp jatyr.
El tarıhyndaǵy eń mańyzdy jobalardyń bírí – Memleket basshysynyń bastamasymen júzege asyrylǵan «Keleshek mektepterí» ūlttyq jobasy. Onyń ayasynda 206 myń oqushy ornyna arnalǵan 112 jańa formattaǵy mektep qoddanysqa beríldí, onyń 40%-dan astamy auyldyq jerlerde ornalasqan. Eske sala keteıík, 2024 jyldyń qorytyndysy boıynsha 254 myń oqushyǵa arnalǵan 105 mektep paıdalanuǵa beríldí.
Qazírgí tańda bílím beru ınfraqūrylymyn qoldau qory esebínen 89 myń oqushyǵa arnalǵan 81 mektep salyndy. Onyń íshínde 2025 jyldyń qorytyndysy boıynsha 13 myń oqushy ornyna arnalǵan 18 jańa mektep íske qosyldy. Būl sharalar elímízdíń bílím beru júıesín ūzaqmerzímdí damytuǵa jáne jańǵyrtuǵa baǵyttalǵan.
Sondaı-aq Memleket basshysynyń tapsyrmasymen qaıtarylǵan aktıvter esebínen Ūlytau oblysynyń Qarajal qalasy men Mańdyraı stantsıyasynda ekí mektep, Soltústík Qazaqstan oblysynda bír balabaqsha salyndy. Eske salaıyq, Arnaıy memlekettík qor qarajaty esebínen 8 bílím beru nysany qarjylandyryldy, onyń íshínde 5 mektep, 2 balabaqsha jáne 1 jataqhana bar.
Qosymsha respublıkalyq jáne jergílíktí byudjet qarajaty men jeke ınvestıtsıyalar tartu esebínen 16 myń oqushy ornyna arnalǵan 30 mekteptíń qūrylysy júrgízíldí.
Sonymen qatar, qoldanystaǵy ınfraqūrylymdy jaqsartu boıynsha da auqymdy jūmystar júrgízíldí:
• renovatsıya baǵdarlamasy ayasynda 209 mektep jańartyldy;
• zamanauı standarttarǵa sáıkes 1 myń auyl mektebí jańǵyrtyldy;
• auyl mektepterí úshín 1196 zamanauı pán kabınetí satyp alyndy.
Jańa nysandardy paıdalanuǵa berudíń nátıjesínde Astana, Almaty, Shymkent qalalarynda, sondaı-aq Qaraǵandy jáne Qyzylorda oblystarynda úshauysymdy oqytu máselesí tolyǵymen joıyldy.