nemese BİZGE TÁN BEIQAMDYQ
COVID - 19 keseliniń beti qaıtar túri joq. Qaıta údep bara jatqandaı. Statısıka da kóńil kónshitpeıdi. Eki kún buryn aýrý juqtyrǵandar sany antırekord jasap 103 boldy dep edi, búgin 130 dan asypty. Almatyda. Biz sonda da beıqambyz. Búkil álem baryn salyp kúresip jatyr bul indetpen. Al bizdiń qolymyz toı-tomalaqtan bosamaı jatyr. Onymen qoımaı áleýmettik jelide «Ushaqpen ý shashyp jatyr..» «Ekpeden keıin eki-aq jyl ómir qalady eken..» degen baıbalam shyǵyp jatyr. Bul qalaı?.
Beıqamdyq bizge ǵana tán be deımin. Eń jaqyn jandarymyz baqılyq bolmaı, senbeımiz ǵoı taǵy. Kimnen surasań da, bireýiniń jaqyn týysy, bireýiniń synyptasy, endi bireýiniń qyzmettesi nemese kýrstasy ketken. Endi ekpe aldyń ba deseń, ázir aýyrmaǵanyn aıtady taǵy. Aý, ekpe degen sol aýrýdyń aldyn alý emes pe? Bizdiń halyqtyń asyqpaıtynyn mamandar da aıtyp otyr.
Alataý aýdanyndaǵy N29 qalalyq emhananyń medbıkesi Aıgúl.S:
- Jaz aıynan qalada jappaı tegin ekpe salý bastaldy. Bizdiń emhanaǵa da vaksınanyń tórt túri bólinip, turǵyndardyń ekpe alýyna bar múmkindik jasaldy. Ýchaskelik dárigerler óz ýchaskesiniń turǵyndarymen túsindirme jumystaryn júrgizdi. Negizi, ekpe jasatý azamattardyń óz qalaýynsha, májbúrleý joq. Bir baıqaǵanym, ózge ulttar emhanaǵa kelip, keńes alyp, vaksına tańdap, kózi jetkenderi ekpe jasatyp jatsa, bizdiń qandastar jumystan talap etip jatyr, jol júrý kerek edi dep keledi.
Mine, osylaı. Ashshy da bolsa shyndyq. Damyp ketken, alǵa uzap ketken elder aıqaılap aıtyp jatyr. Ǵalamdyq indettiń betin qaıtarý vaksınasıa dep. Vaksınasıa jáne saqtyq sharalary dep. «Saqtansań, saqtarmyn» degen de bar. Saqtanaıyq. Sol ekpe men saqtyqtan basqa tyǵyryqtan shyǵar jol kórinbeıdi.