Tártip saqshylarynyń týrnırine 10 erikti jáne 70 sportshy qatysty.
PD qyzmetkerleri jastar arasynda «Esirtkisiz» degen uranmen fýtboldan týrnır uıymdastyrdy, – dep habarlaıdy Almaty-akshamy.kz Polisia.kz-ke silteme jasap.
İs-sharany polısıa departamentiniń esirtkige qarsy kúres basqarmasy qyzmetkerleri Almaly aýdandyq polısıa basqarmasy JPQ qyzmetkerlerimen jáne «Almaty qalasynyń jastar saıasatyn damytý memlekettik qorynyń» eriktilerimen birge ótkizdi. Oǵan Almaty qalasy PD EqKB, Almaly aýdandyq PB JPQ IýPB qyzmetkerleri, 10 erikti jáne 70 sportshy qatysty. Maqsat ortaq boldy: "Esirtkisiz bolashaq qurý! Deni saý urpaq – elimizdiń bolashaǵy!".
«Aldyn alý is-sharasy azamattardy esirtkiniń zańsyz aınalymyna qarsy kúreske qatysýǵa tartý maqsatynda ótkizildi. Bul - esirtki saýdasynyń aldyn alýǵa baǵyttalǵan qadam. Sondaı-aq, qoǵamnyń esirtkige táýeldilik máselesine degen durys qatynasyn qalyptastyrý. Jasóspirimder men jastar arasyndaǵy nashaqorlyq álemdik masshtabta ǵana emes, damyp kele jatqan Qazaqstandaǵy másele bolyp tabylady. Bul - bizdiń zamanymyzdyń eń qorqynyshty qubylystarynyń biri», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Almaǵambetov.
