Ol byltyr Bolgarıa eliniń Dobrıch qalasynda ótken halyqaralyq «Sarandev» vokaldyq baıqaýyna qatysyp, 1-shi oryn ıelengen.
T.Q.Júrgenov atyndaǵy Qazaq ulttyq óner akademıasynyń 3 kýrs stýdenti Juban Ernazar 16-18 shilde aralyǵynda Rýmynıanyń Braıla qalasynda ótken «Georgıı Grıgorıý (George Grigoriu) atty halyqaralyq pop-mýzyka festıvalinde 1-shi oryndy jeńip aldy, dep habarlaıdy Almaty-akshamy.kz Óner akademıasynyń baspasóz qyzmetine silteme jasap.
Óner ordasy taratqan málimetke sáıkes, Ernazar Melsuly búginde túrli sahnalardyń, baıqaýlardyń bıiginen kórinip keledi. Baspasóz qyzmeti onyń búginge deıingi baǵyndyrǵan belesterin de jarıalapty:
2017 jyly Astana qalasynda EXPO kórmesi qarsańynda Qazaqstannyń jáne Italıanyń 1200 mýzykanttarynan quralǵan úlken ujymmen Gýstav Mallerdiń 8 sımfonıasyn oryndaǵan;
2017 jyly Oral qalasynda ótken oblystyq XIII Delfıı oıyndarynyń "Estradalyq án" atalymy boıynsha 1-shi oryn ıegeri;
2017 jyly Samara qalasynda ótken halyqaralyq «Na kryláh mýzykı» baıqaýynyń 1-shi oryn;
2017 jyly Petropavl qalasynda ótken respýblıkalyq XIII Delfıı oıyndarynyń "Estradalyq án" atalymy boıynsha 3-shi oryn;
2017 jyly Almaty qalasynda ótken Qazaqstan Respýblıkasynyń Tuńǵysh Prezıdenti kúnine arnalǵan «Men jastarǵa senemin!» atty stýdent jastardyń V respýblıkalyq patrıottyq forýmynda «Máńgilik el – muratym!» patrıottyq ánder baıqaýynda 2-shi oryn ıelengen;
2018 jyly Orenbýrg qalasynda ótken halyqaralyq HHİH «Na Nıkolaevskoı 2018» baıqaýynda «Halyq áni» atalymy boıynsha 1-shi oryn;
2018 jyly Orenbýrg qalasynda ótken halyqaralyq HHİH «Nıkolaevskoı 2018» baıqaýy «Estrada jáne jaz» atalymy, 2-shi oryn;
2018 jyly Astana qalasynda ótken «Mosty soglasıa» qoǵamdyq qorynyń uıymdastyrýymen ótkizilgen respýblıkalyq «Úzdik stýdent» jobasy aıasynda shyǵarylǵan «Jas qyran» atty talantty stýdentterdiń I kitap jınaǵyna engen;
2019 jyly Astana qalasynda ótken «Topjarǵan» telejobasyna qatysty
2020 jyly ótken H-faktor jobasynyń fınalısi atanǵan;
2020 jyly Bolgarıa eliniń Dobrıch qalasynda ótken halyqaralyq «Sarandev» vokaldyq baıqaýyna qatysyp, 1-shi oryn ıelengen.