Bul fakt boıynsha tergeýdi Alataý aýdandyq polısıa basqarmasy júrgizip jatyr.
Almaty polıseıleri kúdikke ilingen jastardy ustady. Mamandardyń aıtýynsha, olar «sıntetıkany» qoıyp jatqan jerinen qolǵa tústi, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, 24 jastaǵy K.esimdi azamat jáne onyń 20 jastaǵy serigi Prıkanalnaıa kóshesinde jedel qyzmetkerlerdiń kózine túsken.
«Jastardyń is-qımyly kúdikti bolyp kórindi. Bir qaraǵanda, olar qarańǵyda birdeńe izdegendeı boldy. Biraq is júzinde, kerisinshe – olar tutynýshymen aldyn ala kelisilgen jerge “jyldamdyq” esirtkisin jasyrǵan. Jeke tintý kezinde olardan zattaı 15 býma tabyldy jáne tárkilendi, kimge tıesili ekendigi men shyǵý tegin sot-hımıalyq saraptama anyqtaıtyn bolady», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Almaǵambetov.
Mamandardyń aıtýynsha, bul fakt boıynsha tergeýdi Alataý aýdandyq polısıa basqarmasy júrgizip jatyr. QR QK-niń 296-baby 4-bóligimen qylmystyq is qozǵaldy.