«Zerttelmegen Qazaqstan»: dokýmentalıster 20 serıaly fılm túsiredi
Qazaqstan Táýelsizdiginiń 30 jyldyǵyna oraı bir top dokýmentalıster elimizdiń tabıǵaty men mádenıeti týraly fılmder túsiredi. Joba memlekettik organdar men halyqaralyq uıymdardan qoldaý tapty, dep habarlaıdy Almaty-akshamy.kz.
«Zerttelmegen Qazaqstan» jobasynyń maqsaty – eldi kórsetý. Saıahatshylar Qazaqstannyń qoryq jáne kıeli jerlerin aralap, kórikti jerlerimen tanysady. Hronometrajy 20 mınýtty quraıtyn 20 serıany túsirý josparlanýda.
Joba ishki naryqqa arnalǵan, biraq jasaýshylar sheteldik arnalarǵa qyzyǵýshylyq tanytatyndyǵyn joqqa shyǵarmaıdy. Sondyqtan serıalar qazaq, orys jáne aǵylshyn tilderinde bolady.
Ekspedısıaǵa 12 adam qatysady. 10 qyrkúıekte olar Shyǵys Qazaqstanǵa attanady.
«Birinshi sújet Semeı ıadrolyq polıgony týraly bolmaq. Elbasynyń ıadrolyq polıgondy jabý týraly Jarlyǵyna 30 jyl bolatyny belgili. Biz adamdardyń qalaı ómir súrgenin eske salamyz», - dedi Indiga production basshysy Rafael Gasanov.
Jumysqa kirispes buryn, Qazaqstannyń memlekettik organdary men alyqaralyq uıymdarǵa qoldaý týraly birqatar hattar jiberildi. Mysaly, polıgon týraly serıany Birikken Ulttar Uıymy qoldaǵan. Sondaı-aq jobany elimizdiń joǵary basshylyǵy, beıindi vedomstvolar men agenttikterdiń sheneýnikteri, demeýshiler qoldap otyr.
Saıahatshylar baratyn oryndar tiziminde Ekibastuz GRES-i, Abylaı han rezıdensıasy, ALJIR lageri, Saıram qalashyǵy, Bozjyra shatqaly jáne t.b. bar.
«Bizdiń maqsatymyz – Qazaqstannyń tabıǵatyn kórsetý ǵana emes, sondaı-aq osy fılmderde jastardyń óz jerin baǵalap, súıip, qorǵaýy úshin olardyń boıynda otansúıgishtikti qalyptastyrý», - dedi Rafael Gasanov.