Aýa-raıynyń qolaısyzdyǵy Almaty – Óskemen trassasyndaǵy jappaı jol apatyna sebep boldy. 11 avtokólik soqtyǵysyp, birneshe adam jaraqat aldy, dep habarlaıdy Aqshamnews.kz.
Tańsáride Qonaevtan Zarechnoe aýylyna deıingi jol bóligin qalyń tuman basyp qaldy. Birneshe mınýttyń ishinde trassa naǵyz kóktaıǵaqqa aınaldy.
Jappaı jol apatynyń saldarynan tórt adam zardap shekti. Olar qajetti medısınalyq kómek kórsetý úshin aýrýhanaǵa jetkizildi.
"2025 jyldyń 1 jeltoqsanynda Almaty — Qonaev trassasynda 11 kólik soqtyǵysqan jappaı jol apaty boldy. Konaev qalalyq kópsalaly aýrýhanasyna jol apatynan 4 jaralanǵan adam jetkizildi. Naýqastar tekserilip, mamandar qarap, ambýlatorlyq emge jiberildi. Gospıtalızasıaǵa kórsetkish joq. Barlyq naýqas jeńil jaraqattarmen, ústirtin soqqylarmen ǵana shekteldi", – dedi Konaev aýrýhanasynyń travmatologıa jáne neırohırýrgıa bóliminiń meńgerýshisi Evgenıı Kım.
Polıseıler Almatyǵa baǵyt alǵan kólikterdi toqtatyp, ár júrgizýshini kóktaıǵaq týraly eskertýge májbúr boldy. Jańa apattardyń aldyn alý úshin olar joldy 15–20 kólikten kezekpen ótkizip otyrdy.