Almaty álemniń úzdik qalalary tizimine endi. Ol qandaı orynda? Bul reıtıń týraly ne belgili? Tolyǵyraq aqshamnews.kz materıalynda.
Almaty 2025 jylǵy Oxford Economics Global Cities Index reıtıńinde 258-orynǵa ıe bolyp, Ortalyq Azıadaǵy eń úzdik qala dep tanyldy. Bul reıtıń álemniń 1000 iri qalasyn ekonomıka, adamı kapıtal, ómir sapasy, ekologıa jáne basqarý sıaqty bes negizgi sanat boıynsha baǵalaıdy.
Almaty adamı kapıtal sanatynda 64-orynǵa ıe bolyp, bul kórsetkish boıynsha álemdik deńgeıde joǵary nátıjege jetti. Bul qaladaǵy bilim berý júıesiniń sapasy men eńbek naryǵynyń áleýetin kórsetedi.
Basqa kórsetkishter
- Ekonomıka: 346-oryn
- Ómir sapasy: 245-oryn
- Ekologıa: 726-oryn
- Basqarý: 613-oryn
Aıta keteıik, reıtıńte Astana 276-orynǵa, Shymkent 534-orynǵa ıe boldy.
Al úzdik ondyq tizimi mynadaı:
- Nú-Iork
- London
- Parıj
- San-Hose
- Sıetl
- Melbýrn
- Sıdneı
- Boston
- Tokıo
- San-Fransısko.