Almaty oblysy PD EQQİQB qyzmetkerleri jedel aldyn alý sharasy aıasynda esirtki satýshyny anyqtap, zańsyz aınalymnan úsh kelige jýyq mefedron tárkiledi.
Qarasaı aýdanynda jedel-izdestirý sharasy barysynda ustalǵan 28 jastaǵy boıjetken sıntetıkalyq esirtkini zańsyz saqtady jáne satty degen kúdikke ilindi, dep habarlaıdy Almaty-akshamy.kz.
Kúdikti úsh esirtki qoımasynyń ornyn kórsetip, odan erekshe ıisi bar sarǵysh tústi untaqty zat tabylyp, tárkilendi.
Saraptama nátıjesi tárkilengen zattyń jalpy somasy 143 mln teńgeni quraıtyn, salmaǵy úsh kelige jýyq, ıaǵnı 7 myń 920 bir rettik dozany quraıtyn mefedron sıntetıkalyq esirtki zaty ekenin rastady. Qazirgi ýaqytta kúdikti ýaqytsha ustaý ızolátoryna qamaldy. Esirtki zattardy asa iri kólemde zańsyz saqtaý jáne satý boıynsha qylmystyq is qozǵaldy.