Astana qalasynda áıelin asa qatigezdikpen qınap óltirdi dep aıyp taǵylǵan Qýandyq Bıshimbaevqa qatysty sot otyrysy ótti.
Qoǵamdyq rezonans týdyrǵan qaıǵyly jaǵdaıǵa qatysty sot otyrysy Joǵarǵy sottyń resmı áleýmettik jelilerinde tikeleı efırden kórsetildi, dep habarlaıdy Almaty-akshamy.kz.
Aıyptalýshy Q.Bıshimbaev jaý berý kezinde prokýror oqyǵan aıyptaý aktisinde ózine qatysty aıtylǵan aıyptaýlardyń atalmaǵanyn aıtty.
«Anasynyń qazirgi jaǵdaıyn, bárin túsinemin. Biraq men muny aıtýym kerek. Eger sizder qujattarmen odan ary tanysqan bolsańyzdar, siz aıyptaý aktisin estidińiz, men ustalǵan sátten bastap, Saltanattyń týystary da, aǵasy da bolǵan oqıǵanyń barlyq faktilerin burmalaý úshin belsendi PR naýqanyn jasady. Sizder ınternetten jábirlenýshi tarap pen týystarynyń, onyń (Saltanattyń) kózi aǵyp ketkenin, bas súıegi tesilgenin, synǵanyn, saý jeri joq ekenin jáne t.b. osyndaı málimdemelerdi oqydyńyzdar. Aıyptaý aktisin prokýror oqydy. Biraq onda bul aıyptardyń eshqaısysy atalmady»