Almaty oblysy polısıa departamentiniń kıberqylmyspen kúres basqarmasy telegram messendjeri arqyly temeki ónimderi men elektrondy tutyný júıelerin zańsyz satýdyń anyqtalǵanyn habarlady.
Monıtorıń júrgizý barysynda quqyq qorǵaý organdary tyıym salynǵan ónimderdi zańsyz satýmen aınalysqan Qonaev qalasynyń 33 jastaǵy turǵynyn anyqtap, ustady, dep habarlaıdy aqshamnews.kz.
Atalǵan fakti boıynsha oblys ortalyǵynyń polısıasynda qylmystyq is qozǵaldy. Qazirgi ýaqytta zańsyz árekettiń barlyq mán-jaıyn anyqtaý maqsatynda tergeý amaldary júrgizilip jatyr. Esterińizge sala keteıik, tyıym salynǵan temeki ónimderin satý qylmystyq jaýapkershilikke ákep soǵady.