Almaty oblysnda KOVID juqtyrý qarqyny báseńsidi
16.06.2021 jylǵy derek boıynsha, oblysta koronavırýspen aýyrýdyń zerthanalyq rastalǵan 26 852 jaǵdaıy tirkeldi. Sońǵy táýlikte aýyrǵandar sany – 31, ósim deńgeıi – 0,1 %, dep habarlady Almaty-akshamy.kz. oblys ákimi baspasóz qyzmetiniń habaryna silteme jasap.
Sonyń ishinde Talǵar aýdanynda, Taldyqorǵan qalasynda – 7-den, Eńbekshiqazaq, Qaratal aýdandarynda – 4-ten, Qarasaı aýdanynda – 3, Jambyl aýdanynda – 2, İle, Kerbulaq, Panfılov aýdandary men Tekeli qalasynda – 1-den aýrý faktileri tirkelgen.
01.08.2020 jyldan beri anyqtalmaǵan pnevmonıanyń 4785 deregi tirkeldi, sońǵy táýlikte 3 jaǵdaı anyqtaldy. Onyń 2-eýi – Qapshaǵaı qalasynda, 1-eýi – Jambyl aýdanynda.
16.06.21 jylǵy málimet boıynsha, PSR tásilimen 706 544 adam zerthanalyq tekserýden ótti, sonyń ishinde sońǵy úsh kúnde tekserilgender sany – 4713.
Qazirgi kezde stasıonarlyq emdi 703 adam qabyldaýda, sonyń 30-ynyń jaǵdaıy aýyr. Bir táýlikte aýrýhanalarǵa 46 adam túsken, 125 adam shyǵaryldy. Infeksıalyq tósek-oryn tolymdylyǵy – 34,6%.
Ótken táýlikte koronavırýs ınfeksıasynan 12 adam jazyldy.
16.06.2021 jylǵy derek boıynsha, COVID-19 ınfeksıasyna qarsy vaksınanyń İ komponentin 4907 adam, İİ komponentin 159 072 adam saldyrǵan. Jalpy İ komponent 272 666 adamǵa, İİ komponent 168 324 adamǵa salyndy.