Elimizdegi zeınetkerler sany 2 mln 243 myń adamǵa jetti.
2021 jyldyń qańtar-mamyr aılarynda respýblıkalyq búdjetten bazalyq zeınetaqy tóleýge 342,6 mlrd teńge, yntymaqty zeınetaqy tólemderine – 774,8 mlrd teńge baǵyttaldy, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
2021 jylǵy 1 maýsymdaǵy jaǵdaı boıynsha, zeınetkerler sany 2 mln 243 myń adamdy quraıdy.
Zeınetaqy tólemderiniń ortasha mólsheri (onyń ishinde bazalyq zeınetaqy) 2021 jylǵy 1 maýsymdaǵy jaǵdaı boıynsha 100 019 teńgeni qurady.
Eske salaıyq, 2018 jylǵy 1 shildeden bastap memlekettik bazalyq zeınetaqy tólemi, onyń zeınetaqy júıesindegi tájirıbesin eskere otyryp, ár alýshyǵa jeke taǵaıyndalady.
Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder (budan ári - MZJ) zeınetaqy júıesindegi eńbek ótiline qosylady.
Sonymen, eger zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris deńgeıiniń 54%-yn quraıdy, sodan keıin 10 jyldan asqan ár jyl úshin onyń mólsheri 2%-ǵa artady. Mysaly, eger siz 20 jyl qatyssańyz, bazalyq zeınetaqy kúnkóris deńgeıi qunynyń 74%-dy, 30 jyl – kúnkóris qunynyń 94%-yn quraıdy. 33 jáne odan da kóp jyl jumys ótili bolsa, kúnkóris qunynyń 100% joǵary mólsherinde belgilenedi.
Eger bir aı ishinde MZJ birneshe ret Biryńǵaı jınaqtaýshy zeınetaqy qoryna jasalsa, jınaqtaýshy júıege qatysý merzimi bir aıdy quraıdy.
Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.
Óz kezeginde jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty bolady.