2021 jyldyń 29 qazanynda Abaı atyndaǵy Qazaq ulttyq pedagogıkalyq ýnıversıtetiniń Tarıh jáne quqyq ınstıtýty quqyqtaný kafedrasy men Sarbonna-Qazaqstan ınstıtýtynyń uıymdastyrýmen, Qazaqstan Respýblıkasynyń Qarjylyq monıtorıń agenttiginiń Almaty qalasy boıynsha Ekonomıkalyq tergeý departamenti ókilderimen bitirýshi kýrs stýdentteri arasynda kezdesý ótkizildi dep habarlaıdy almaty-akshamy.kz
Kezdesýdi Abaı atyndaǵy Qazaq ulttyq pedagogıkalyq ýnıversıtetiniń ǵylymı zertteý qyzmeti jónindegi prorektory Ermek Bóribaev ashyp, arnaıy shaqyrylǵan qonaqtarmen tanystyrdy.
Almaty qalasy boıynsha Ekonomıkalyq tergeý departamentiniń basshysy Qaırat Alıbaev, tergeý bóliminiń bastyǵy Abaı Nıgmatýllın, kadr bóliminiń basshysy Serıkjan Býrıbaev sóz alyp, «Quqyqtaný» jáne «Ekonomıka» mamandyǵynyń stýdentterin, magıstrant, doktoranttaryn Ekonomıkalyq tergeý departamentiniń jumysymen jáne olarǵa qoıylatyn talaptarmen tanystyryp, qyzmettiń qyzyǵy men qıyndyǵy qatar júretindigin atap ótti.
Kezdesýde Tarıh jáne quqyq ınstıtýty «Quqyqtaný» kafedrasynyń meńgerýshisi B.Kóshpenbetov sóz alyp, stýdentterdiń quqyq qorǵaý organdarynda qyzmet etýge degen belsendiliginiń joǵary ekenin aıtty.
Kezdesý nátıjesinde Abaı atyndaǵy Qazaq ulttyq pedagogıkalyq ýnıversıteti men Qazaqstan Respýblıkasynyń Qarjylyq monıtorıń agenttiginiń Almaty qalasy boıynsha Ekonomıkalyq tergeý departamenti arasynda bilim men ǵylymdy damytý men stýdentterdiń tájirıbeden ótý múmkindigin arttyrý maqsatynda Yntymaqtastyq memorandýmyna qol qoıyldy.