Almaty oblysynda "Qysqy júgirý – 2025" atty marafon ótti.
10 shaqyrymdyq qashyqtyqqa sozylǵan saıysqa kásibı sportshylarmen qatar, sportsúıer qaýym jáne Almaty oblysy polısıa departamentiniń qyzmetkerleri de qatysty, dep habarlaıdy aqshamnews.kz Polisia.kz-ke silteme jasap.
Quqyq qorǵaý organdarynyń ókilderi ózderiniń joǵary daıyndyǵyn kórsetip, jarysty laıyqty nátıjelermen aıaqtady. Osyndaı is-sharalar polısıa qyzmetkerleriniń fızıkalyq jáne rýhanı turǵydan shyńdalýyna septigin tıgizedi. Quqyq qorǵaýshylar kúndelikti qyzmet barysynda úlken fızıkalyq jáne psıhologıalyq júktemelerge tap bolady, sondyqtan sportpen turaqty aınalysý – olardyń árdaıym tyńǵylyqty qalypta bolýynyń kepili.
– Sport – bul tek densaýlyq pen tózimdiliktiń belgisi ǵana emes, sonymen qatar minezdiń beriktigi, tártip pen jeńiske degen umtylys. Polıseılerdiń marafonǵa qatysýy – olardyń kez kelgen synaqqa daıyn ekeniniń aıqyn dáleli. Sebebi ishki ister organdaryndaǵy qyzmet tek kásibılikti ǵana emes, myqty fızıkalyq daıyndyqty da talap etedi, – dedi Almaty oblysy PD bastyǵy Meıram Ábikeev.
Bul marafon polıseılerdiń tek qyzmet babynda ǵana emes, sporttyq alańda da aldyńǵy qatardan kórinýge umtylatynyn kórsetti. Dene shynyqtyrý men salaýatty ómir salty – qoǵam qaýipsizdigin qamtamasyz etýde mańyzdy ról atqaratynyn taǵy bir márte dáleldedi.