2025 jylǵa arnalǵan Qazaqstannyń turǵyn úı naryǵyna qatysty ártúrli boljam bar. Keıbir sarapshylar naryqta turaqtylyq kútiletinin aıtsa, basqalary táýekelder týraly eskertýde, dep habarlaıdy aqshamnews.kz
Ipoteka mólsherlemeleri
Ulttyq bank ınflásıany tejeý saıasatyn jalǵastyryp otyrǵandyqtan, ıpoteka stavkalarynyń joǵary deńgeıde qalýy múmkin. Qazirgi ýaqytta bankter turǵyn úı satyp alý úshin 15-18% jyldyq mólsherleme usynady. Degenmen, memlekettik sýbsıdıa baǵdarlamalary arqyly mólsherlemeni 7%-ke deıin tómendetýge bolady. Alaıda, jyljymaıtyn múlik sarapshysy Alına Sarsenova aıtady, bul jaǵdaıda ınflásıa deńgeıin jáne teńge baǵamynyń ózgerýin eskergen jón.
"Eger ınflásıa 8,5-9% aralyǵynda qalsa, ıpoteka boıynsha naqty stavka áli de qaryz alýshylar ońtaıly emes. Qaltasyna salmaq salady", — deıdi sarapshy.
Turǵyn úı naryǵy
Qazirgi ýaqytta qurylysshylar jańa úılerge qyzyǵýshylyqtyń tómendegenin baıqap otyr, al ekinshi naryqta qoljetimdi baǵamen usynystar paıda boldy. Alına Sarsenova páterler baǵasynyń turaqtanýyn kútýde, biraq kúrt quldyraý bolmaıdy dep esepteıdi.
2025 jylǵa arnalǵan negizgi trendter:
- Alǵashqy turǵyn úı baǵalary ınflásıa men salyq zańnamasyndaǵy ózgeristerge baılanysty qubylýy múmkin.
- Úlken qalalardaǵy turǵyn úı tapshylyǵy baǵalardy odan ári kóterýge áser etedi.
- Ekinshi naryq basym bola beredi — satyp alýshylar jıi jóndeýdi qajet etpeıtin daıyn páterlerdi tańdaıdy.
- Qurylysshylar "az, biraq qoljetimdi" formatynda jumys isteı bastaıdy: "barlyǵy bir jerde" konsepsıasy — turǵyn úı, ofıs, dúkender men saıabaqtar bir turǵyn úı kesheninde ornalasady.
- Qurylys úshin arzan jerlerdi paıdalaný: qurylysshylar mańaıdaǵy aýyldar men óńirlerdi ıgere bastaıdy.
- Qurylysshylar arasyndaǵy básekelestik artady: satyp alýshylardy tartý úshin ıkemdi sharttar, jeńildikter men aksıalar usynylady.
Eger 2025 jyly ıpoteka alýdy josparlap otyrsańyz, qaryz sharttaryn muqıat tańdap, ınflásıa men valúta baǵamynyń múmkin ózgeristerin eskerý qajet. Turǵyn úı naryǵy dınamıkalyq bolyp qalady, alǵashqy jáne ekinshi naryqtaǵy baǵa qubylýy múmkin. Degenmen, qurylysshylar arasyndaǵy básekelestik satyp alý sharttaryn jeńildetýi jáne úılerdiń qoljetimdiligin arttyrýy múmkin.