Almaty oblysynda jalǵan dollar satqan eki adam ustaldy, dep habarlaıdy almaty-akshamy.kz qarjylyq monıtorıń agenttigine silteme jasap.
Olar 100 dollarlyq jalǵan kýpúrany 15 myń teńgeden ótkizip júrgen.
"Kezekti jalǵan aqshany ótkizý barysynda kúdikti tulǵalar ustalyp, júrgizilgen tintý barysynda 6,5 myń AQSH dollary anyqtaldy", - deıdi deparatmenti mamandary.
Qazirgi kezde ekeýi de qamaýǵa alyndy. Aıta keteri, osy qylmys úshin bes jyldan on jylǵa deıingi merzimge bas bostandyǵynan aıyrý jazasy qarastyrylǵan. Kináli adamdardyń múlki tárkilenedi.