34 jastaǵy er adam men 31 jastaǵy áıel jaraqat aldy
Almaty oblysynyń polıseıleri erli-zaıyptylarǵa oq atqan 24 jastaǵy taldyqorǵandyqty ustady, dep habarlaıdy Almaty-akshamy.kz Zakon.kz-ke silteme jasap.
Almaty oblysy PD málimetinshe, oqys oqıǵa 8 maýsymda Eskeldi aýdanynyń Qońyr aýylynda oryn alǵan.
Jas jigittiń 34 jastaǵy jergilikti turǵynmen jáne onyń áıelimen sózge kelip qalǵany anyqtaldy. Onyń arty tóbeleske ulasyp, bir kezde kúdikti óziniń "Mitsubishi Pajero" kóliginen 12 kalıbrli ańshy myltyǵyn alyp shyǵyp, erli-zaıyptylarǵa oq atqan. Oqtan jaralanǵan áıel men er adam Taldyqorǵandaǵy aýrýhanalardyń birine jatqyzyldy.
«Kúdikti kóligimen joǵary jyldamdyqpen júıitkip, aýyl kóshesiniń shańyn shyǵarǵan. Bul jergilikti turǵyndardyń narazylyǵyn týdyrdy. Ózine jasalǵan eskertýden keıin ol ózin agressıvti ustap, tóbelesti ýshyqtyryp, aqyrynda atys qarýyn qoldandy. Saldarynan 34 jastaǵy er adam men 31 jastaǵy áıel jaraqat aldy. Ekeýi de aýrýhanaǵa jetkizildi. Qylmystyq tergeý QR Qylmystyq kodeksiniń 99-baby 24-babymen qosa, ıaǵnı "Adam óltirýge oqtalý" boıynsha qolǵa alyndy», - dep habarlady Eskeldi aýdandyq polısıasy.
Qamaýǵa alynǵan kúdikti buryn úsh ret sotty bolǵany anyqtaldy. Qajetti saraptamalar taǵaıyndaldy.
Ańshylyq myltyq tárkilenip, zattaı dálel retinde qylmystyq is materıaldaryna qosyldy.