İshki ister mınıstrligi "Zań men tártip" qaǵıdaty aıasynda júıeli jumys jalǵastyrady, - dep habarlaıdy Aqshamnews.kz.
Jyl basynan bastap Qazaqstanda kúshti áser etetin zattardyń, onyń ishinde tyıym salynǵan qosylystardyń zańsyz aınalymyna baılanysty quqyqqa qarsy áreketter úshin qylmystyq jaýapkershilik belgilendi.
Olardyń qatarynda túngi klýbtarda keńinen taralǵan, "kúlki gazy" dep atalatyn belgili azot totyǵy da bar.
Bıylǵy jyly esirtki qylmysyna qarsy is-qımyl bólimsheleri birqatar óńirlerde atalǵan zatpen toltyrylǵan metal balondardy zańsyz tasymaldaý jáne saqtaý faktilerin anyqtap, jolyn kesti.
Atap aıtqanda, Shymkent qalasyndaǵy túngi klýbtardyń birinde "smesharıkter" dep atalatyn kúshti áser etetin ónimdi júıeli túrde satýǵa qoıylǵany anyqtaldy.
Júrgizilgen jedel is-sharalar barysynda 416 balon saqtalǵan tutas bir qoıma anyqtaldy, olardyń jartysy tyıym salynǵan qosylyspen toltyrylǵan. Tıisti saraptama taǵaıyndaldy.
İİM azot totyǵyn medısınalyq maqsattan tys paıdalaný qaýipti ekenin eskertrdi. Buryn adam ólimine ákep soqqan jaǵdaılar bolǵan. Kúshti áser etetin zattardyń zańsyz aınalymy úshin 15 jylǵa deıin bas bostandyǵynan aıyrý jazasy kózdelgen.
Azamattardyń qaýipsizdigin qamtamasyz etýge jáne tyıym salynǵan zattardyń jolyn kesýge baǵyttalǵan is-sharalar jalǵasyn tabady.