Saperler arnaıy operasıa júrgizip jatyr.
Almaty oblysynda bomba qoıyldy delingen kolejden 600-ge jýyq adam evakýasıalandy, dep habarlaıdy Almaty-akshamy.kz QazAqparatqa silteme jasap.
«30 qarasha kúni saǵat 12:10-da kezekshi bólimge M. Beısebaev atyndaǵy Talǵar agrobıznes jáne menedjment kolejine bomba qoıylǵany týraly aqparat tústi. Polısıa qyzmetkerleri basqa ýákiletti organdarmen birlesip, 500-ge jýyq oqýshyny, 97 oqytýshyny, 7 tehnıkalyq personaldy jáne 2 kúzetshini evakýasıalady», - delingen Almaty oblystyq polısıa departamenti baspasóz qyzmetiniń habarlamasynda.
Vedomstvo aqparatyna sáıkes, atalǵan derek QR Qylmystyq kodeksiniń 273-baby boıynsha Talǵar aýdandyq polısıa bóliminde tirkeldi.
«Qazirgi ýaqytta saperler arnaıy operasıa júrgizip jatyr. Onyń nátıjeleri boıynsha jaǵdaıǵa quqyqtyq baǵa beriletin bolady»,- dep tolyqtyrdy baspasóz qyzmetinen.