Almatyda qaladaǵy barlyq mektep oqýshylary qosylǵan TopIQ.kz platformasy arqyly «Jeńil portfel» jobasy sátti júzege asty. Bul týraly qala ákimi Erbolat Dosaev bilim berý qyzmetkerleriniń tamyz keńesinde aıtty, dep habarlaıdy aqshamnews.kz.
Onyń aıtýynsha, sıfrlyq oqýlyqtardy engizý jańartylatyn aqparatqa jyldam qoljetimdilikti qamtamasyz etip, oqý materıalyn túsinýdi jaqsartatyn ınteraktıvti elementterdi qamtydy jáne mektep portfeliniń fızıkalyq salmaǵyn azaıtty.
Ázirleýshilerdiń damýyna kómektesý úshin jańa oqý jylynda pılottyq rejımde jańa jobany – jasandy ıntellekt negizinde vırtýaldy repetıtordy engizý josparlanyp otyr, ol sátti bolsa, jappaı qoldanysqa engizý kózdeledi, dedi Erbolat Dosaev.
Sondaı-aq, balabaqsha pedagogteri men ata-analardy ádistemelik qoldaý úshin qalalyq «AlmatyKids.kz» damytýshy sıfrlyq kontenti jasaldy, oǵan qaladaǵy barlyq balabaqsha qosylǵan.
Aıta keteıik, Almatyda 2024-2025 oqý jylynyń qarsańynda «Digital Kazakhstan: jańa zamandaǵy bilim berý» taqyrybynda pedagogtardyń qalalyq tamyz samıti ótip jatyr.
Samıt pedagogterdiń kásibı deńgeıin arttyrýǵa, bilim berý salasyndaǵy ozyq tájirıbe jáne jańa tehnologıa almasýǵa baǵyttalǵan.