Almatyda Rysqulov dańǵylynan Buqtyrma kóshesine deıin Qulja kúre jolyn jańartý jumystary jalǵasyp otyr. Bul jumys aıasynda joldyń bóligin 4-ten 6 jolaqqa deıin keńeıtý kózdelgen.
Jumys kezinde ýchaskede eki baǵyt boıynsha eki baǵytty qozǵalys boldy. Alaıda shildedegi jańbyrly aýa-raıyna baılanysty jumys kestesi buzyldy. Osyǵan baılanysty, jol boıyndaǵy jumystar tamyz aıynyń sońyna deıin aıaqtaý maqsatynda túngi ýaqytta qosymsha qozǵalysqa shekteý engiziledi.
17 tamyzdan 22 tamyzǵa deıin qozǵalys túngi ýaqytta Buqtyrma kóshesinen Rysqulov dańǵylyna deıingi ýchaskede (qalaǵa qaraı) jabylady.
Buqtyrma jáne Maılın kóshelerimen soltústik baǵytta aınalyp ótýge bolady. Al ońtústik baǵytta Buqtyrma jáne Talǵar tas joly arqyly júrýge ruqsat.
Esterińizge sala keteıik, joba aıasynda jalpy uzyndyǵy 2,3 km bolatyn joldy qaıta jańartý kózdelgen. Bólý jolaǵyn joıý jáne jol bóligin keńeıtý arqyly ár baǵytta 3 jolaqtan turatyn jol salynady.
Sonymen qatar, jol jıekterinde tosqaýyl qorshaýyn, joldy jaryqtandyrý jáne sý burý tirekterin ornatý qarastyrylǵan. Jaıaý júrginshilerdiń qaýipsizdigin qamtamasyz etý úshin eki jaǵynan eni 2-den 3 metrge deıingi trotýar jabdyqtalady.
