Almaty kóshesinde qaı kólik kóp kezdesedi?

Sergek ITS Qazaqstandaǵy eń jıi júretin kólikterdi atady, dep habarlaıdy aqshamnews.kz

Sergek ITS ıntellektýaldy kólik júıesiniń sarapshylary Astana men Almaty qalalaryndaǵy kólik qozǵalysyn zerttep, 2025 jyldyń aqpan–sáýir aılaryndaǵy eń jıi tirkelgen avtokólik modelderiniń TOP-10 tizimin jarıalady. Esepte belgili bir kóliktiń naqty jol ýchaskesinen neshe ret ótkeni eskerilgen.

Eskertý: Bul statısıka kólik biregeıligine emes, ótý jıiligine negizdelgen. Iaǵnı, bir kólik birneshe ret tirkelýi múmkin.

Almaty: Camry men Cobalt qaıtadan kósh bastap tur

Zertteý ýaqyty: 17 aqpan – 7 sáýir 2025 jyl
Ornalasqan jer:

• Ál-Farabı dańǵyly (Esentai Mall mańy jáne shyǵys baǵyt)

Eń jıi tirkelgen kólikter:

1. Toyota Camry – 67 300 ret

2. Chevrolet Cobalt – 63 000 ret

3. Hyundai Tucson – 38 100 ret

4. Hyundai Elantra – 30 800 ret

5. Hyundai Accent – 29 000 ret

6. Kia Rio – 22 000 ret

Astana: kósh basynda – Toyota Camry

Zertteý ýaqyty: 12–20 aqpan 2025 jyl
Ornalasqan jerler:

• Turan dańǵyly (Ortalyq saıabaq mańy)

• Tulpar kópiri – Qorǵaljyn tas joly

Eń jıi tirkelgen kólikter:

1. Toyota Camry – 71 000 ret tirkelgen

2. Chevrolet Cobalt – 36 600 ret

3. Hyundai Tucson – 31 500 ret

4. Hyundai Elantra – 24 300 ret

5. Hyundai Accent – 22 500 ret

6. Toyota Land Cruiser Prado – 22 000 ret

7. Qytaı avtokólikteri (túrli brendter) – shamamen 19 000 ret

Saraptama: Nege Camry men Cobalt kósh bastap tur?

• Toyota Camry — qazaqstandyqtar arasynda uzaq jyldar boıy senimdilik pen jaılylyq sımvoly retinde tanymal. Joǵary sapa, qolaıly baǵa jáne qosalqy bólshekterdiń qoljetimdiligi – bul modeldiń basty artyqshylyqtary.

• Chevrolet Cobalt — sońǵy jyldary baǵasy qoljetimdi, janarmaıdy az tutynatyn kólik retinde suranysqa ıe boldy.

• Hyundai brendiniń úlesi – A, B jáne SUV segmentterindegi modeldermen turaqty suranysqa ıe.