2025 jylǵy 5 maýsymda Almaty qalasyndaǵy Almaty tehnologıa jáne florıstıka kolejinde, Resýrstyq ortalyq alańdarynda, 9-synyp oqýshylaryna arnalǵan «Ashyq esik kúni» ótti.
Bul is-shara Almaty qalasynyń Bilim basqarmasy, Almaty qalasyndaǵy Almaty tehnologıa jáne florıstıka koleji jáne ınklúzıvti bilim berý bóliminiń uıymdastyrýymen ótkizildi. İs-sharaǵa Almaty qalasynyń jalpy bilim beretin mektepteri men arnaıy mektep-ınternattarynyń shamamen 100 oqýshysy qatysty. Inklúzıvti bilim berý baǵyty boıynsha bilim alatyn №5, №6, №1 Januıa mektep ınternattarynan talapkerler oqytýshylar, jáne ata- analarymen birge keldi. Sonymen qatar, №76, №108, №16 mektep gımnazıalarynan talapkerlerimiz qatysty.
«Ashyq esik kúni» baǵdarlamasy kolej dırektory Nurymbetov A.Q.-nyń quttyqtaý sózinen bastaldy, ol oqý ornynyń mısıasy, negizgi jetistikteri men bolashaq stýdentter úshin múmkindikteri týraly tolyq aıtyp ótti. İs-sharaǵa qatysýshylardy sondaı-aq, arnaıy bilim berý jáne ınklúzıvti bilim berý salasyndaǵy tájirıbesi bar Ulttyq ǵylymı-praktıkalyq ortalyq mamany Seısenova A.D. quttyqtap, sóz sóıledi. Sonymen qatar, qatysýshylarǵa kelesi múmkindikter usynyldy: kolejdiń oqý aýdıtorıalarymen, zerthanalarymen jáne mamandandyrylǵan kabınetterimen tanysty, stýdentterdiń kásibı daǵdylaryn jáne shyǵarmashylyq kózqarastaryn kórsetetin kórkemdik jumystar kórmesi kórsetildi; kolej oqytýshylary men stýdentteri usynǵan oqý baǵdarlamalary men daıarlyq baǵyttary týraly prezentasıalar tyńdady; óndiristik oqytý sheberleriniń túrli salalardaǵy tájirıbelik ádisteri men tehnologıalaryn kórsetken master-klasstarǵa qatysty; oqýǵa qabyldaý jáne bilim alý sharttary, qabyldaý talaptary, qarjylandyrý múmkindikteri men mansaptyq perspektıvalar týraly keńes aldy; arnaıy bilim alý qajettiligi bar stýdentter daıyndaǵan merekelik konsertti tamashalady.
İs-shara barysynda ınklúzıvti bilim berý máselesine erekshe nazar aýdaryldy, arnaıy mektep-ınternattardyń ókilderi erekshe qajettilikteri bar stýdentter úshin bilim berý prosesin beıimdeý tájirıbesimen bólisti.Bul is-shara qonaqtar men úmitkerler arasynda úlken qyzyǵýshylyq týdyrdy. Kóptegen qatysýshylar oqýǵa qabyldaý jaıynda qyzyǵýshylyq tanytyp, oqý oryndaryna ótinishterin qaldyrdy. Ata-analar stýdentterdiń joǵary deńgeıde daıyndalǵanyn jáne bilim berý prosesiniń zamanaýı tásilderin atap ótti.
«Ashyq esik kúni» kolejdiń bilim berý múmkindikterin keńinen nasıhattaý úshin mańyzdy oqıǵaǵa aınaldy. Joǵary deńgeıde uıymdastyrylǵan jáne túrli baǵdarlamamen qamtylǵan bul is-shara qonaqtarǵa kásibı bilim alý perspektıvalarymen tanysýǵa múmkindik berdi jáne jańa áleýetti stýdentterdi tartty.