9 synyp túlekteri Almatydaǵy bes medısınalyq kolejdiń ishinen birin tańdaıdy.
Ótken jyly qalalyq komısıa otyrysynda alǵash ret jeke medısınalyq kolejderde memlekettik bilim berý tapsyrysyn ornalastyrý týraly sheshim qabyldanǵan, dep habarlaıdy Almaty-akshamy.kz
Sonymen, Qazaqstan-Reseı medısınalyq koleji, «Interdent» medısınalyq koleji, «Aıajan» koleji jáne «Profesor Rýzýddınovtyń joǵary medısınalyq-stomatologıalyq koleji» JSHS, Respýblıkalyq joǵary medısınalyq koleji endi stýdentterdi granttyq negizde oqyta alady.
Almaty qalasynyń kásipkerler palatasyna Qazaqstan-Reseı medısınalyq koleji Almaty qalasynyń memlekettik emes medısınalyq kolejderinde tehnıkalyq jáne kásiptik, orta bilimnen keıingi bilimi bar mamandardy daıarlaýǵa memlekettik bilim berý tapsyrysyn ornalastyrýǵa járdemdesý týraly ótinish jasady.
«Jeke kolejder medısınalyq mamandyqtar boıynsha tehnıkalyq jáne kásiptik, orta bilimnen keıingi bilimi bar kadrlardy daıyndaýǵa memlekettik bilim berý tapsyrysyn ornalastyrý Almaty qalasy Qoǵamdyq densaýlyq saqtaý basqarmasynyń engizilýinde dep alańdady. Memlekettik tapsyrys tek Almaty qalasyndaǵy «Joǵary medısınalyq kolej» SHJQ KMK vedimistik baǵynysty oqý ornynda ornalastyryldy. Bul rette qalada 10-nan astam medısınalyq kolej jumys isteıdi», – dep atap ótti Almaty qalasy ÓKP adamı kapıtaldy damytý bóliminiń bastyǵy Tolqyn Ábildaeva.
Joǵaryda aıtylǵan derekter QR Kásipkerlik kodeksiniń 8-babyn buzady, oǵan sáıkes, básekelestikti shekteýge nemese joıýǵa baǵyttalǵan qyzmetke josyqsyz básekelestikke tyıym salynady. Almaty qalasynyń bilim basqarmasyna ótinish joldandy. Másele Almaty qalasy kásipkerleriniń quqyǵyn qorǵaý keńesinde kóterildi. Sarapshylar ótinishti zerdelep, joǵaryda aıtylǵandar QR Bilim jáne ǵylym mınıstriniń 2016 jylǵy 29 qańtardaǵy № 122 buıryǵynyń talaptaryna sáıkes kelmeıdi dep eseptedi.
Memlekettik bilim berý tapsyrysyn ornalastyrý qaǵıdalarynda 1-taraýdyń 4-tarmaǵynda bylaı delingen: tehnıkalyq jáne kásiptik, orta bilimnen keıingi bilimi bar kadrlardy daıarlaýǵa arnalǵan memlekettik bilim berý tapsyrysy menshik nysanyna jáne vedimistik baǵynystylyǵyna qaramastan, tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda óńirlik kásipkerler palatalary men múddeli uıymdardyń usynystaryn eskere otyryp ornalastyrylady.
«Bul másele 7-8 jyldan beri bar. Jergilikti bilim berý granttary Densaýlyq saqtaý departamentiniń jelisi boıynsha bólingen kezde, biz granttyq oryndardy bólýge qatysýǵa jáne stýdentterimizge bizdiń bazada tegin oqýǵa múmkindik berýge qarsy emes ekenimizdi jazbasha jiberdik. Biraq, ókinishke qaraı, ótinishterimiz eskerilmedi. Kásipkerler palatasynda birneshe kolej birigip, bul máseleni kóterdik. Keıin másele boıynsha ilgerileý boldy. Zańnamaǵa sáıkes, 9 synyp túlekteri Almatydaǵy bes medısınalyq kolejdiń ishinen birin tańdaıdy. 2021 jyly tek bir kolej grant negizinde oqytty. 2022 jyly Kásipkerler palatasynyń járdemdesýi arqyly bul másele sheshildi. Bıyl bizge 100 orynǵa grant bólindi, onyń ishinde medbıkeler men emdeý isi boıynsha mamandar daıyndaımyz», – dedi «Interdent» jeke medısınalyq kolejiniń dırektory Gúlmıra Toqbergenova.
Kolej dırektorynyń aıtýynsha, árbir jeke kolej úshin granttyq oqytý - eń aldymen, oqý ornynyń jetistigi men bedeli, bilim berý prosesin, ǵylymı-zıatkerlik áleýetti jaqsartý, materıaldyq-tehnıkalyq bazany jetildirý múmkindigi.