Almaty qalalyq sanıtarlyq-epıdemıologıalyq baqylaý departamentiniń basshysy Jandarbek Bekshın Óńirlik komýnıkasıalar qyzmetiniń brıfıńinde Almatyda KVI jaǵdaıy týraly sońǵy derekterdi jarıalady, dep habarlaıdy almaty-akshamy.kz
Qalanyń bas sanıtarlyq dárigeriniń aıtýynsha, Almatyda sońǵy aptada KVI boıynsha epıdemıologıalyq ahýaldyń táýliktik tirkeýi 1,6 myńǵa jetti. 28 shildeden bastap aýrýdyń táýliktik tirkeýi 1,5 esege ósti. Shildede aýyrǵandar 25 544-ge jetti. Jalpy jyl basynan beri 89 035 adam tirkeldi.
«Ótken aptada, aldyńǵy kezeńmen salystyrǵanda, KVI jaǵdaılarynyń tirkelýi 1,5 esege - 8 393-ten 12 432 jaǵdaıǵa deıin ósti, biraq ótken kúndermen salystyrǵanda táýliktik ósim 1,7%-dan 1,4%-ǵa deıin tómendedi. R- sany - 1,2-den 1,07-ge deıin», - dedi J.Bekshın.
Almaty qalasynyń SEBD basshysy 8-20-maýsym aralyǵynda epıdemıanyń úshinshi tolqynynan keıin, «brıtandyq» COVID-19 nusqasynyń paıda bolǵanyn, 20 shildeden keıin epıdemıanyń tórtinshi tolqynynyń bastalǵanyn atap ótti. Ol is júzinde aǵymdaǵy jyldyń 30 shildesinen bastap kúnine shamamen 1,5-1,6 myń jaǵdaı tirkelýde. KVI jaǵdaılary boıynsha aptalyq tirkeýdiń ósýi tamyz aıynyń sońyna qaraı tómendeýi múmkin dep boljanady.