Aǵymdaǵy jyldyń 8 mamyrynda saǵat 12.00-de Almatyda «Mýsorgı» fleshmoby ótedi. Art-jobany 101 Dump Gallery kreatıvti toby uıymdastyrady. Aksıa ekologıalyq máselelerge nazar aýdarýǵa jáne halyqty aınala qorshaǵan ortany taza ustaýǵa yntalandyrýǵa arnalǵan.
Fleshmob kelesi baǵyttar boıynsha ótedi:
* saǵat 12.00-de Panfılov kóshesi boıymen Qabanbaı batyr kóshesinen Jibek Joly dańǵylyna deıin;
* saǵat 13.00-den 14.00-ge deıin Panfılov kóshesinen Abylaı han dańǵylyna deıin;
* saǵat 14.00-de Jibek Joly dańǵyly-Baıseıitova kóshesiniń qıylysynda márelik qoıylym ótedi.
«Mýsorgı» - beısanalyq tutynýdy, utymsyz paıdalanýdy jáne tabıǵı resýrstarǵa jaýapsyzdyqty bildiretin oıdan shyǵarylǵan keıipkerler. Mysaly, «Áýe hanshaıymy» aýanyń lastanýyn, al «Koqys bıke Munaıbaıqyzy» - Almatynyń kórneki oryndaryn lastaıtyn, onyń ishinde munaı óńdeý ónimderinen, plasık paketterden, bótelkelerden jáne t.b. jasalǵan qoqysty bildiredi.
Fleshmob aıasynda qala aýdandarynyń sany boıynsha barlyǵy 8 keıipker usynylady. Olardy jasaýǵa ekobelsendiler, sýretshiler jáne beı-jaı qaramaıtyn qala turǵyndary qatysty.
Fleshmob «Almaty - bizdiń ortaq úıimiz» naýqanynyń aıaqtalýyna oraılastyrylǵan jáne qalanyń ekologıasy men ornyqty damýy jónindegi bastamalardy qoldaýǵa baǵyttalǵan.
Esterińizge sala keteıik, 8 sáýir men 8 mamyr aralyǵynda Almaty qalasynda «Almaty – bizdiń ortaq úıimiz» naýqany ótýde. Árbir turǵyn qalanyń damýy men abattandyrylýyna óz úlesin qosa alady. Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa qala boıynsha ornalastyrylǵan bannerler, posterler, afıshalardaǵy arnaıy QR-kod arqyly kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.