Brazılıanyń ońtústigindegi tasqyn saldarynan kóz jumǵandar sany 29 adamǵa jetti. Bul týraly jergilikti bılikke silteme jasaǵan Nú-Iork Taıms basylymy habarlaǵan.
Taǵy 60 kisi iz-tússiz joǵalyp ketken. Tabıǵı apatqa baılanysty Rıý-Grandı-dý-Sýl shtatynda tótenshe jaǵdaı jarıalandy. 10 myńǵa jýyq turǵyn baspanasyz qalyp, júzdegen kópir men jol qıraǵan. Keıbir eldi mekender jaryqsyz otyr.
El prezıdenti Lýıs Inasıý da Sılva tasqyn jaılaǵan aımaqqa bardy.
Pedro Kamarına, zertteýshi: - Bizdiń aımaqqa aldaǵy onjyldyqta El-Nıno jáne Lá-Nına tabıǵı qubylystary birdeı áser etpek. Bir jaǵynan sý tasqyny júrip, ekinshi jaǵynan qurǵaqshylyq ornap, halyqqa aýyr tıgeli tur. Apattan kóz ashpaıtyn túrimiz bar.
Sý basqan qoryqtaǵy adamdar qutqaryldy Kenıa tasqyn saldarymen kúresip álek. Bılik ataqty Masaı-Mara qoryǵyndaǵy qonaq úıdiń qyzmetkerleri men týrıserdi qutqardy.
Jaýyn-shashyn saldarynan ózen tasyp, júzge jýyq turǵyn syrt álemnen oqshaýlanyp qalǵan. Qutqarý isine tikushaq tartyldy. Keıbir adamdar aǵashtyń basyna shyǵyp alǵan. Bul elde nóser naýryzdan beri tolastaǵan joq. Keıingi 2 aıda tabıǵı apattan 181 kisi ajal qushyp, 200 myńnan astamy úıin tastaýǵa májbúr bolǵan,-dep habarlaıdy 24.KZ.