«Almaty – bizdiń ortaq úıimiz» kampanıasy aıasynda Almaty qalasynyń ekologıa jáne qorshaǵan orta basqarmasy «Jasyl aýla» naýqanyn júzege asyrdy. 30 naýryzdan bastap qala turǵyndarynan kópqabatty úılerdiń aýlasy men qoǵamdyq keńistikterdi kógaldandyrý úshin japyraqty kóshetterdi alýǵa ótinimder qabyldanady. Kóshetter tegin beriletin bolady.
Qala turǵyndarynyń ótinishi boıynsha ótinimderdi qabyldaý 2024 jylǵy 15 sáýirge deıin uzartyldy. Kórsetilgen ýaqyttan keıin joldanǵan ótinishter qabyldanbaıdy, dep habarlaıdy Almaty-akshamy.kz.
Osyǵan oraı, 8 sáýirge deıin berilgen ótinishter boıynsha kóshetter 13,14 sáýir kúnderi, al 9-15 sáýir aralyǵynda berilgen ótinishter boıynsha kóshetter 20,21 sáýir aralyǵynda Almaty q., Áýezov aýdany, Iýrıı Kım k-si, 9 («Eco Almaty» JSHS) mekenjaıynda júrgiziletin bolady.
Naýqan aıasynda bir adamǵa 20-ǵa deıin kóshet bólinedi, bul rette ótinish berýshi otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıýy tıis.Otyrǵyzylǵan kóshetterdiń foto esebin jiberý qajet.
Qosymsha aqparat alý úshin Almaty qalasynyń Ekologıa jáne qorshaǵan orta basqarmasynyń Jasyl qordy basqarý jáne monıtorıń bólimine baılanys nómiri boıynsha habarlasýǵa bolady: +7 707 546 1770, +7 727 390 41 17. Qońyraýlar jumys kúnderi saǵat 9:00-den 18:00-ge deıin qabyldanady.