Qazaqstandaǵy balalar ál-aýqatynyń ortasha baǵasy 55,3 baldy quraıdy.
Qazaqstanda bes óńir balalar úshin qolaısyz dep tanyldy. Bul týraly Oqý-aǵartý mınıstrliginiń bilim salasynda sapany qamtamasyz etý komıtetiniń qaýly jobasynda jazylǵan.
Qazaqstandaǵy balalar ál-aýqatynyń ortasha baǵasy 55,3 baldy quraıdy. Almaty qalasy balalar úshin eń qolaıly óńir (63,3 bal). Al Qyzylorda (62,1 bal), Aqtóbe (59,9 bal), Qostanaı (49,7 bal), Batys Qazaqstan (47,4 bal) jáne Aqmola (43,8 bal) oblystary balalar úshin qolaısyz dep tanylǵan.
Densaýlyq saqtaý mınıstrliginiń málimetinshe, respýblıkada jyl saıyn 600 myńnan astam adam jaraqat alady, olardyń 22 paıyzdan astamy nemese 130 myńy – balalar. Onyń ishinde muzǵa qulaý, terezeden qulaý, jol apaty, órt, sý aıdyndarynda jáne taǵy basqa jerde bolatyn oqys jaǵdaılardan bolǵan. Iaǵnı, kún saıyn 360 bala zardap shegedi.
2022 jyly 200-ge jýyq bala terezeden qulap, onyń 25-i qaıtys bolǵan.
Aıta keteıik, 2022 jyldyń sońynda Qazaqstandaǵy balalar sany 6,6 mln-ǵa jetti. Onyń ishinde 3,7 mıllıonnan astamy – oqýshylar, 2,5 mıllıonnan astamy – mektep jasyna deıingi balalar, 400 myńnan astamy – kolej stýdentteri.