Mınıstrdiń aıtýynsha, 2029 jyldan bastap bul másele qaıta qaralmaq.
Bul suraqqa Eńbek jáne halyqty áleýmettik qorǵaý mınıstri Tamara Dúısenova jaýap berdi, dep habarlaıdy Almaty-akshamy.kz
Suraqqa jaýap bergen Eńbek jáne halyqty áleýmettik qorǵaý mınıstri Tamara Dúısenova zeınet jasy myna kórsetkishter boıynsha esepteletinin atap ótti.
ómir súrý uzaqtyǵy;
zeınetaqymen qamsyzdandyrý deńgeıi.
Ol aldaǵy bes jylda densaýlyq saqtaý salasynda aýyl medısınasyn jaqsartý, kóp salaly aýrýhanalar, mamandandyrylǵan emdeý mekemelerin salýdy, telemedısına, skrınıng júrgizýdi kózdeıtin iri ulttyq joba iske asyrylatynyn málim etti.
"Nátıjesinde, azamattarymyzdyń ómir súrý uzaqtyǵynyń jaqsaratyn bolsa, 2029 jyldan bastap biz bul máselege qaıta oralamyz, eger bári osy deńgeıde qalsa nemese, kerisinshe, tómenirek bolsa, onda árıne, jas shekteýi máselesi mindetti túrde qaıta qaralady", dedi Tamara Dúısenova.
Bul rette Eńbek mınıstri Qazaqstanda keıbir azamattardyń zeınetke erte shyǵýyna bolatyn norma bar ekenin atap ótti. Mysaly, kóp balaly analar, Semeı ıadrolyq synaq polıgony aımaǵynda turatyn azamattar, sondaı-aq zeınetaqy qorynda qarajaty bar azamattar zeınetaqy anýıteti arqyly 55 jasta zeınetke shyǵa alady.