Konstıtýsıalyq komısıanyń kezekti otyrysy bastaldy, - dep habarlaıdy aqshamnews.kz tilshisi.
Konstıtýsıanyń adamnyń jeke basyna qol suqpaýshylyq, adamnyń negizgi quqyqtaryn qorǵaý jáne sot bıliginiń táýelsizdigine qatysty normalary aıtarlyqtaı kúsheıtiledi. Bul máseleler Konstıtýsıalyq komısıanyń tórtinshi otyrysynda qaralǵan Ata Zańǵa engiziletin ózgeristerdiń jıyntyq jobasynan kórinis tapty.
Joba tanystyrylymynda Konstıtýsıalyq sot tóraǵasynyń orynbasary Baqyt Nurmuhanov usynylǵan ózgeristerdiń basty tustaryna erekshe toqtalyp, "Negizgi quqyqtar, bostandyqtar men mindetter" atty bólimniń jańa ataýy qarastyrylǵan máselelerdi tolyq qamtıtyn atap ótti.
Bul rette usynylǵan novelalar adamnyń eń joǵary qundylyq ekeni týraly qaǵıdatqa súıene otyryp, quqyqtar men bostandyqtardy iske asyrý jáne qorǵaý kepildikterin kúsheıtedi jáne tolyqtyrady.
"Bul ómir súrý quqyǵyn absolúttik dárejege kóterý, adamǵa baǵdarlanǵan saıasat, adamnyń jeke basyna qol suǵylmaýshylyq pen "Mıranda erejesiniń", sıfrlyq dáýirde jeke málimetterdi qorǵaý, ar-namys pen qadir-qasıetti qorǵaýdy kúsheıtý, áleýmettik quqyqtar men quqyqtyq anyqtyq qaǵıdattaryn bekitý degen sóz", — dedi Baqyt Nurmuhanov.
Ol qazirgi ýaqytta Konstıtýsıanyń 7-bólimindegi sot ádildigi qaǵıdaty retinde qarastyrylyp otyrǵan keıbir normalardyń adam quqyqtaryn qorǵaý kepildigi retinde osy bólimge kóshirilip, jeke bapqa biriktiriletinin aıtty.
"Sóz bostandyǵy men shyǵarmashylyq erkindik quqyǵyna jańa mán-maǵyna berilip, demokratıalyq jáne quqyqtyq memlekette jeke tulǵanyń erkin damýynyń mańyzdy sharty sanalatyn zıatkerlik menshikti qorǵaý kepildikteriniń bólek túrleri belgilendi", – dep atap ótti Konstıtýsıalyq sot tóraǵasynyń orynbasary.
"Aty ózgergen "Sot júıesi. Prokýratýra. Quqyq qorǵaý tetikteri" bóliminde aıtarlyqtaı ózgerister kózdelgen. Oǵan sot isin júrgizý nysandaryn keńeıtýge, ádilettilik pen sot táýelsizdiginiń konstıtýsıalyq qaǵıdattaryn nyǵaıtýǵa, sondaı-aq sot júıesindegi kadr máselelerine qatysty sot máseleleri boıynsha mańyzdy túzetýler kiredi", – dedi Baqyt Nurmuhanov.
Sondaı-aq, ol Konstıtýsıalyq komısıa músheleriniń nazaryn advokatýranyń quqyqtyq mártebesin bekitetin jeke baptyń qarastyrylǵanyna aýdardy.
Sonymen qatar, Konstıtýsıalyq komısıanyń múshesi Quryltaıdyń qurylýyna baılanysty "Jergilikti memlekettik basqarý jáne ózin-ózi basqarý" bólimine naqty túzetýler engizý qajet bolǵanyna da toqtaldy.
Sóz sońynda Baqyt Nurmuhanov "Konstıtýsıaǵa ózgerister men tolyqtyrýlar engizý" dep atalatyn jańa bólim Ata Zańnyń mátinin eń úzdik halyqaralyq tájirıbege sáıkes jańartýǵa múmkindik beretinin atap ótti.