Almaty memlekettik bıznes kolejiniń bazasynda «Adal azamat» birtutas tárbıe baǵdarlamasy aıasynda qoǵam úshin aıryqsha mańyzǵa ıe «Zań men tártip» qundylyǵyn júzege asyrý maqsatynda «Ádil zań – el tiregi» atty taǵylymdy kezdesý ótkizildi.
Memleket basshysy Qasym-Jomart Toqaev óz Joldaýlarynda: «Zań men tártip — ádiletti qoǵamnyń negizi. Ár azamat zań talaptaryn buljytpaı oryndaýǵa tıis. Bul — turaqty damýdyń basty sharty», — dep atap kórsetken bolatyn. Osy ustanym búgingi kezdesýdiń negizgi ıdeıalyq ózegine aınaldy.
İs-shara stýdent jastardyń quqyqtyq saýattylyǵyn arttyrýǵa, zańǵa qurmet pen azamattyq jaýapkershilikti qalyptastyrýǵa, sondaı-aq quqyqbuzýshylyqtyń aldyn alýǵa baǵyttaldy. Kezdesý ashyq dıalog formatynda ótip, naqty ómirlik mysaldar men kásibı tájirıbege negizdeldi.
Kezdesý barysynda kolejdiń dırektordyń tárbıe isi jónindegi orynbasarynyń m.a. Sholpan Maratqyzy da sóz sóılep, is-sharanyń tárbıelik mańyzyna toqtaldy. Ol óz pikirinde:
«Búgingi kezdesýdiń basty maqsaty — stýdentterge zańdy tek talap retinde emes, ómirlik qundylyq retinde túsindirý. “Adal azamat” birtutas tárbıe baǵdarlamasy aıasynda biz jastardyń boıyna zańǵa qurmet, tártipke jaýapkershilik jáne azamattyq sana qalyptastyrýdy kózdeımiz. Óıtkeni ádil zańdy syılaıtyn, tártipti saqtaıtyn jas — el bolashaǵynyń berik negizi», — dep atap ótti.
Sondaı-aq ol kolejde tárbıe jumysy júıeli jáne keshendi túrde júrgizilip jatqanyn aıtyp, quqyq qorǵaý organdarymen birlesken osyndaı kezdesýlerdiń stýdentterdiń ómirlik ustanymyna oń áser etetinin erekshe atap ótti.
Kezdesýge quqyq qorǵaý salasynyń bilikti ókilderi, sonyń ishinde Almaty qalasy Polısıa departamenti Esirtki qylmysyna qarsy is-qımyl basqarmasy basshysynyń orynbasary, «Amanat» partıasy janyndaǵy «Jastar rýhy» Almaty qalalyq fılıalynyń tóraǵasy, Uıymdasqan qylmysqa qarsy kúres basqarmasynyń aǵa jedel ýákili t.b qurmetti qonaqtar arnaıy shaqyryldy.
İs-shara barysynda spıkerler quqyq qorǵaý organdarynyń qyzmeti, kámeletke tolmaǵandar arasyndaǵy quqyqbuzýshylyq túrleri, olardyń aldyn alý sharalary, sondaı-aq ákimshilik jáne qylmystyq jaýapkershilik máseleleri boıynsha mazmundy baıandamalar jasap arnaıy vıdeorolıkter kórsetti.
Almaty qalasy Polısıa departamenti Esirtki qylmysyna qarsy is-qımyl basqarmasynyń orynbasary polısıa polkovnıgi Mádı Qurmanjanov óz sózinde:
«Zań men tártip — tek quqyq qorǵaý organdarynyń mindeti emes, bul — ár azamattyń ishki mádenıeti men jaýapkershiligi. Jastardyń zańdy erte jastan túsinip, ony sanaly túrde saqtaýy — qoǵam qaýipsizdiginiń basty kepili», — dep atap ótti.
Al uıymdasqan qylmysqa qarsy kúres basqarmasynyń ókili Erlan Sataev uıymdasqan qylmystyń jastar úshin asa qaýipti ekenin atap ótip:
«Qylmystyq toptar kóbine jas, tájirıbesiz adamdardy ózderine tartýǵa tyrysady. Sondyqtan árbir stýdent zańsyz árekettiń saldary qandaı bolatynyn anyq bilýi tıis», — dep eskertti.
Kezdesýdiń qorytyndy bóliminde polısıa kapıtany Marjan Beıbıt kámeletke tolmaǵandar arasyndaǵy quqyqbuzýshylyqtyń aldyn alý jaıynda keńinen toqtalyp:
«Zańdy bilý — mindet, al ony saqtaý — azamattyq paryz. Árbir stýdent óz áreketiniń saldaryn túsinse, kóptegen keleńsiz jaǵdaıdyń aldyn alýǵa bolady», — dep túıindedi.
Atalǵan kezdesý stýdentter úshin úlken taǵylymǵa aınalyp, olardyń quqyqtyq tanymyn keńeıtýge, zańǵa degen kózqarasyn nyǵaıtýǵa zor yqpal etti. «Ádil zań – el tiregi» atty bul bastama kolejdegi tárbıe jumysynyń júıeli túrde júrgizilip jatqanyn jáne adal, jaýapkershiligi joǵary azamat tárbıeleýge baǵyttalǵan naqty qadamdardyń biri ekenin kórsetti.