Erekshe jandarmen jūmys jasau qajyrly qaırat pen keń júrektílíktí talap etetínín jyldan jylǵa tereńírek ūǵynudamyn. Qazírgí qoǵamda erekshe qajettílíkterí bar balalar men eresekterdí áleumettík ortaǵa beıímdeu – ózektí máselelerdíń bírí. Mūndaı tūlǵalarmen jūmys tek medıtsınalyq qoldaumen shektelmeı, júıelí psıhologıyalyq súıemeldeudí de qajet etedí. Parasat áleumettík qyzmet ortalyǵyndaǵy meníń rólím – olardyń emotsıonaldyq jaǵdaıyn tūraqtandyru, íshkí resurstaryn oyatu jáne qoǵammen baılanysyn nyǵaıtu.
Psıhonevrologıyalyq erekshelígí bar adamdar jıí mazasyzdyq, qorqynysh, oqshaulanu, ózíne senímsízdík sıyaqty psıhoemotsıonaldyq qıyndyqtarǵa tap bolady. Sondyqtan psıhologıyalyq jūmys eń aldymen qauípsíz orta qalyptastyrudan, senímdí qarym-qatynas ornatudan bastaluy tıís. Psıhologıyalyq jūmys barysynda adamnyń óz-ózímen boluyna jaǵdaı jasau mańyzdy. Únemí túzetuge nemese talap qoyuǵa emes, onyń íshkí kúıín qabyldauǵa baǵyttalǵan tásílder psıhoemotsıonaldyq tūraqtylyqty qalyptastyrady. Tynyshtyqqa negízdelgen jeke jáne toptyq psıhokorrektsıyalyq jūmystar, art-terapıya, relaksatsıyalyq jattyǵular, sergítu sátterí emotsıyalardy tanu men basqaruǵa baǵyttalǵan ádíster tūlǵanyń íshkí tepe-teńdígín qalpyna keltíruge ábden kómektesedí.
Sonymen qatar ata-analarmen jáne jaqyn tuystarymen júrgízíletín psıhologıyalyq jūmys ta mańyzdy oryn alady. Otbasylyq qoldau tūlǵanyń áleumettík beıímdeluín edáuír jeńíldetíp, ómír súru sapasyn arttyrady. Psıholog retínde kásíbı qyzmetím tek túzetu emes, sonymen qatar qabyldau, túsínu jáne tūlǵany tūlǵa retínde moıyndauǵa negízdeluí qajet dep esepteımín.
Qorytyndylaı kele, erekshelígí bar balalar jáne eresektermen júrgízíletín psıhologıyalyq jūmys – olardyń áleuetín ashuǵa, qoǵamda tolyqqandy ómír súruíne jol ashatyn mańyzdy kásíbı mıssıya.