Memleket basshysy qazaqstandyq IT-kásípkerler Erzat Dulat pen Mūrat Ábdírahmanovty qabyldady, - dep habarlaıdy aqshamnews.kz tílshísí.
Qasym-Jomart Toqaev Higgsfield AI startapynyń tehnıkalyq dırektory Erzat Dulatpen jáne MA7 Ventures venchurlík platformasynyń negízín qalaushy Mūrat Ábdírahmanovpen kezdesíp, jasandy ıntellektíní ekonomıkaǵa, memlekettík basqaru ísíne jáne áleumettík salaǵa júıelí túrde engízu, sondaı-aq IT-kásípkerlíktí, venchurlík jáne AI-ındustrıyany damytu máselelerín talqylady.
Prezıdent Higgsfield AI startapynyń jetístígín joǵary baǵalap, elímízde jasandy ıntellekt salasynda jahandyq kóshbasshy sanalatyn kompanıyanyń qūryluy zor tabys ekenín aıtty.
Memleket basshysynyń aıtuynsha, Qazaqstan IT salasyndaǵy kompanıyalar tez arada íske qosylyp, qarqyndy túrde damyp, álemdík naryqqa shyǵatyn alańǵa aınaluy qajet. Būl – negízgí míndet.
Erzat Dulat Higgsfield komandasynyń 95 paıyzy qazaqstandyqtardan qūralǵanyn, būl jastardyń áleuetín tanytatynyn jetkízdí. Sonymen qatar ol AI-ındustrıyaǵa qajettí kadr dayarlau jáne bírlesken bílím beru bastamalaryn júzege asyru ísínde memleketpen seríktes boluǵa daıyn ekenín rastady.
Mūrat Ábdírahmanov venchurlík ındustrıya memleketterdíń tehnologıyalyq damuynyń tetígí sanalatynyna toqtaldy. Būl oraıda Qazaqstannyń jahandyq venchurlík ındustrıyanyń tolyq qatysushysy boluǵa múmkíndígí zor.