Keshe Almaty ákimi Darhan Satybaldy Túrksib aýdanyndaǵy «Tamarıks» turǵyn úı kesheniniń turǵyndarymen júzdesti. Turǵyndar qazandyqtyń jumysy, aýmaqty jaryqtandyrý jáne basqarýshy kompanıanyń qyzmetine qatysty máselelerdi kóterdi. Bul taqyryptar buǵan deıin de azamattardy jeke qabyldaý kezinde qozǵalǵan bolatyn.
Jylýmen qamtamasyz etý máselesi bıylǵy qyrkúıek aıynyń sońyna deıin sheshiledi. Qalanyń Qurylys basqarmasynyń merdiger uıymy «ATKE» JSHS-men jáne qurylys kompanıasymen birlese otyryp, qoldanystaǵy qazandyqty qosymsha jabdyqtaý jumystaryn bastady.
Turǵyn úı kesheni aýmaǵyn jaryqtandyrý boıynsha da oń sheshim qabyldandy. Sondaı-aq turǵyndar balalarǵa arnap fýtbol alańyn salýdy usyndy. Qala ákimi bul jobany iske asyrý múmkindigin qarastyrýdy tapsyrdy.
Kezdesý barysynda basqarýshy kompanıanyń jumysyna baılanysty shaǵymdar da tústi. Barlyq ótinish zań aıasynda tirkelip, qaralady. 15 qyrkúıekten bastap «Turǵyn úı qatynastary týraly» zańǵa engizilgen ózgeristerge sáıkes, turǵyndarda basqarýshy kompanıalardyń qyzmetin baqylaýǵa qosymsha múmkindikter paıda bolady.