Almaty ákimi Darhan Satybaldy Naýryzbaı aýdanyna jumys saparymen bardy, - dep habarlaıdy aqshamnews.kz.
Shuǵyla shaǵynaýdanynda 1200 oryndyq mekteptiń qurylysyn kórdi. "Jaıly mektep" ulttyq jobasy aıasynda salynyp jatqan nysan mektep tapshylyǵy máselesin sheshýge múmkindik beredi. Qurylys jumystaryn ýaqytynda aıaqtap, aýmaqty kórkeıtý jóninde tapsyrma berildi.
"Premera" qazandyǵy keńeıtilgesin qýaty artady. Ákim jylytý maýsymyna daıyndyqty ýaqytynda aıaqtaýdy tapsyrdy.
№15 ınternatta qurylystyń merziminen keshigip jatqany anyqtaldy. Merdigerge naqty is-qımyl josparyn bir apta ishinde usyný tapsyryldy. Áıtpese, kelisimshart buzylyp, sotqa shaǵym beriledi.
Qala basshysy turǵyndar keńes alyp, ótinish bere alatyn Polısıanyń servıstik ortalyǵynyń jumysymen tanysty.
Sondaı-aq, ákim aýdan turǵyndarymen kezdesti. Kezdesýde saýda ortalyǵy men teatr qurylysynan bastap, retsiz avtoturaqtar men aýlalardy kórkeıtý máselesine deıingi taqyryptar talqylandy.
Sapar nátıjesinde áleýmettik nysandardyń qurylysyn jedeldetý, kireberis joldardy jaqsartý jáne barlyq jumystyń sapasyn baqylaýdy kúsheıtý júkteldi.