Almaty ákimdiginde adamdardy órtten qutqarǵan qala turǵyny marapattaldy, - dep habarlaıdy aqshamnews.kz tilshisi.
Almaty ákimdiginde adamdardy órt kezinde qutqaryp qalǵan qala turǵyny Asyl Ahmetovke erligi úshin qurmet kórsetilip, aqshalaı syıaqy tabystaldy.
"Eńbegimdi elep, qurmet kórsetip jatqandaryńyz úshin alǵysym sheksiz. Bul – men úshin úlken mártebe. Qıyn jaǵdaıǵa tap bolǵan jandarǵa kómek kórsetýdi azamattyq boryshym dep bilemin. Bul áreketimdi marapat úshin emes, adamı paryzym retinde jasadym. Meniń ornymda kez kelgen adam dál solaı ister edi dep oılaımyn", – dedi Asyl Ahmetov.
Aıta keteıik, áleýmettik jelide er adamnyń tórtinshi qabatqa deıin órmelep shyǵyp, órtti sóndirgeni beınelengen vıdeo tarady.
4 maýsymda saǵat 17:07-de Naýryzbaı aýdanynda Júnisov kóshesi, 2/23 úı ("Alma Sıtı") mekenjaıy boıynsha on qabatty turǵyn úıdiń tórtinshi qabatyndaǵy páterdiń balkonynda qoqys órtengen. Órtsóndirýshiler kelgenge deıin sol mańnan ótip bara jatqan Asyl Ahmetov órtti sóndirgen.