«Alataý» dástúrli óner teatrynyń artıseri kabrıolet-avtobýspen shahardy aralap, turǵyndarǵa perfomans formatynda konsert tartý etti. Olar aıaldamalarǵa, kópqabatty úılerdiń aýlalaryna jáne ashyq alańdarǵa toqtap, kóreremendi kele jatqan Qala kúnimen quttyqtady.
Kúmis kómeı ánshiler men bıshiler, qobyzshylar men kúıshiler, baıanshylar men daýylpazdar qala jurtshylyǵyna ulttyq ónerden shashý shashyp, merekelik kóńil-kúı syılady. Kórinisti tamashalaǵan almatylyqtar shattanyp, qol bulǵap, ánge qosylyp, bı bıledi. Kútpegen jerden konsertke tap bolǵan týrıser de qazaqy áýenge tánti bolyp, ystyq yqylastaryn bildirdi.
«Bul – erekshe bastama eken. Kóńilimiz kóterilip qaldy. Aıaq astynan osyndaı konsertke tap boldyq. Formaty da erekshe. Kele jatqan qala kúni qutty bolsyn! Barshańyzǵa amandyq tileımiz. Qalamyz, elimiz kórkeıe bersin!», – dedi temir jol vokzaly mańyznda perfomansty tamashalaǵan qala turǵyndarnyń biri.
Erekshe formattaǵy «Almaty – aıaldamasy» jobasy qala kúni aıasynda osymen ekinshi jyl ótkizilip otyr. Artıserdiń merekelik kerýeni 19 qyrkúıekke deıin jalǵasady. Aıta keteıik, búginnen bastap 21 qyrkúıek aralyǵynda Almaty mýzeıler birlestigi metro beketterinde jyljymaly fotokórme ótkizýde. Kórmege arheologıalyq artefaktiler, zergerlik buıymdar, sport tarıhy, Almatynyń HH ǵasyrdaǵy beınesi jáne uly tulǵalardyń aspaptary týraly fotosýretter qoıyldy. Odan bólek, 18 qyrkúıekte metropolıten jolaýshylary «Almaty áýenderi» ujymy uıymdastyrǵan konsertter men performansty tamashalaı alady.
Almtyda Qala kúnin merekeleý aıasynda jalpy 200-den astam is-shara ótedi. Merekelik baǵdarlamalar megapolıstiń barlyq segiz aýdanynda uıymdastyrylady. Ortalyq alańdarda úlken sahna ornatylyp, tanymal artıser óner kórsetedi. Ashyq aspan astyndaǵy barlyq konsert pen mádenı baǵdarlamaǵa kirý tegin. Negizgi merekelik is-sharalar 18-21 qyrkúıek aralyǵynda ótedi. İs-sharalar josparymen Almaty qalasy ákimdiginiń resmı saıtynda tanysa alasyzdar.