Qyrkúıek aıynyń basynan bastap almatylyqtar «Halyq qatysatyn byudjet» baǵdarlamasy ayasynda 721 ótíním berdí, - dep habarlaıdy Aqshamnews.kz tílshísí.
Qyrkúıektíń basynan berí Almaty qalasynda «Halyq qatysatyn byudjet» baǵdarlamasyna tūrǵyndardyń qyzyǵushylyǵy aıtarlyqtaı artty. 15 qyrkúıektegí jaǵdaı boıynsha qala tūrǵyndary 721 joba ūsynysyn joldaǵan.
Almatylyqtar kógaldandyru, qoǵamdyq keńístíkterdí abattandyru, trotuarlar men aryqtardy jóndeu, balalar jáne sport alańdaryn ornatu, sondaı-aq sanıtarlyq tazalyqty qamtamasyz etu boıynsha túrlí ıdeyalar ūsynuda.
Ótínímderdí qabyldau 2025 jyldyń 30 qyrkúıegíne deıín (qosa alǵanda) jalǵasady. Būl kezeń ayaqtalǵannan keıín barlyq jobalar saraptamalyq keńester men audandyq ákímdíkterdíń qarauyna jíberíledí. Eń kóp dauys jınaǵan bastamalar 2026 jyly íske asyrylady.
Jobany budget.open-almaty.kz onlaın-platformasy arqyly ūsynuǵa bolady. Ótínímde kelesí málímetter kórsetíluge tıís:
- jobanyń atauy men qysqasha sıpattamasy;
- nysannyń naqty mekenjaıy;
- foto nemese eskız;
- aldyn ala shyǵyndar smetasy.
Qatysu sharttary:
- bír adam – bír ótíním – bír nysan;
- nysan kópshílíkke qoljetímdí boluy jáne ótíním berushíníń audanynda ornalasuy qajet;
- jobanyń eń joǵarǵy byudjetí – 294,9 mln teńge.
Barlyq sūraq boıynsha tūrǵyndar óz audanynyń ákímdígíne nemese Open Almaty qoǵamdyq qabyldau bólmesíne 224 39 29 (íshkí 203) telefony arqyly habarlasa alady.