Bul týraly «Almatyny 2025 jylǵa deıin damytý jáne 2030 jylǵa deıingi orta merzimdi perspektıvalar» baǵdarlamasynda aıtylǵan.
Almaty oblysyndaǵy Eńbekshiqazaq aýdanynyń Aqbastaý aýylynda 1,1 mlrd teńgege jańa polıgon, sondaı-aq Talǵar aýdanynyń Avat aýylynda 725,6 mln teńgege jáne Qonaev qalasynda 522,2 mln teńgege keshendi qoqys tıeý alańdaryn salý josparlanýda, dep habarlaıdy Almaty-akshamy.kz
İle aýdanynyń QTQ polıgonynda qaldyqtardy suryptaý jelisinde bıogaz alý úshin qýaty jylyna 120 myń tonna Wasteenergykazakhstan JSHS qazaqstandyq-ıspandyq kompanıasymen birlesip, «Merıolızıs» tehnologıasy boıynsha tolyq sıkldi qoqys óńdeý zaýytyn salý josparlanǵan. Investısıanyń jalpy kólemi-41,8 mln evro.
Almatyda 2025 jylǵa deıin bıologıalyq ydyraıtyn qaldyqtardy jınaý jáne qaıta óńdeý uıymdastyrylady, sondaı-aq tamaq qaldyqtaryn jınaý jáne qaıta óńdeý kezeń-kezeńimen engiziledi.
Borossa túrik kompanıasymen birlesip elektr energıasyn alý arqyly qaldyqtardy gazdandyrý tehnologıasyn engizý máselesi qarastyrylýda.
Investısıalaýdyń boljamdy somasy – 30 mln evro.
Qaldyqtardy basqarýdyń barlyq úıesiniń tıimdiligin arttyrý úshin 2030 jyldyń sońyna qaraı ınvestorlardyń 10 mln evro qarjysy esebinen RDF (Refuse-derivedfuel) qazbaly otyndy ishinara aýystyrý maqsatynda sement zaýyttary úshin eksporttalmaıtyn qaldyqtardan otynnyń balama túrin óndirý zaýytyn paıdalanýǵa engizý josparlanýda.
Bul sharalar qaldyqtardy bólek jınaýdy kezeń-kezeńimen engizý jáne ekomádenı deńgeıin arttyrý esebinen 2030 jylǵa qaraı qaldyqtardyń paıda bolý kólemin 10%-ǵa deıin azaıtýǵa múmkindik beredi. Sondaı-aq qatqyl turmystyq qaldyqtardy qaıta óńdeý 2025 jyly 32%-ǵa, RDF óndirisin eskere otyryp, 2030 jyly 60%-ǵa jetedi. Budan basqa, QTQ tasymaldaýdy basqarý jónindegi biryńǵaı serverlik ortalyqty engizý barlyq QTQ-dy 100% jınaý men tasymaldaýdy onlaın rejıminde kúndelikti baqylaýdy júzege asyrýǵa múmkindik beredi.
Almaty aglomerasıasynda qaldyqtardy basqarý júıesi boıynsha ıntegrasıalanǵan ózara is – qımyldyń nátıjesi retinde aglomerasıada qaldyqtardy kádege jaratýdyń tolyq sıkldi ýtılızasıalaý arqyly qaıtalama shıkizatty qabyldaýdyń biryńǵaı pýnktteriniń sanyn 2023 jyly 60 birlikke deıin, 2024 jyly 80 birlikke deıin, 2025 jyly 100 birlikke deıin ulǵaıtýǵa múmkindik beredi.