Qazaqstan Respýblıkasy Saýda jáne ıntegrasıa mınıstrliginiń Almaty qalasy boıynsha Saýda jáne tutynýshylardyń quqyqtaryn qorǵaý departamenti (budan ári – Departament) barlyq iri saýda obektilerinde, saýda jelilerinde, sýpermarketterde, saýda bazarlarynda, sondaı-aq úı janyndaǵy dúkenderde áleýmettik mańyzy bar azyq-túlik taýarlaryna 15% saýda ústemesin saqtaý boıynsha áleýmettik mańyzy bar azyq-túlik taýarlarynyń baǵasyna taldaý júrgizedi.
Aǵymdaǵy jyldyń basynan bastap Qazaqstan Respýblıkasynyń «Ákimshilik quqyq buzýshylyq týraly» Kodeksiniń (budan ári - QR ÁQBtK) 204-4-babyna sáıkes, Small, JLC, Galmart, Toimart, My Mart saýda jelisi, A-stor, Bekker, sýpermarket Carefood, «Food Beverage Trading» JSHS, «Airba Fresh» JSHS, «Good Luck Trade» JSHS, «Mix Market Trade» JSHS jáne basqa da kásipkerlik sýbektilerine qatysty jospardan tys tekserýler júrgizilip, nátıjeleri boıynsha 420-dan astam kásipkerlik sýbektileri ákimshilik jaýapkershilikke tartyldy.
Mysaly: QR ÁQBtK 204-4-babynyń 2-bóligine sáıkes, «Metro» iri saýda jelisi áleýmettik mańyzy bar azyq-túlik taýarlaryna 15% saýda ústemesin asyrǵany úshin ákimshilik jaýapkershilikke tartyldy.
«Metro Kesh end Kerrı» JSHS Departament shyǵarǵan ákimshilik sheshimge barlyq sot ınstansıalarynda, sonyń ishinde kasasıalyq tártippen shaǵymdandy, biraq nátıje bolmady, óıtkeni Departamenttiń áreketteri zańdy.
Aıta ketý kerek, «Metro» saýda jelisi belgilengen saýda ústemesi úshin ákimshilik jaýapkershilikke birinshi ret tartylyp otyrǵan joq. Buǵan deıin 2024 jyly «Metro Kesh end Kerrı» JSHS saýda ústemesi úshin ákimshilik jaýapkershilikke tartylǵan bolatyn, sondaı-aq, Departamenttiń ákimshilik sheshimine sot tártibimen shaǵymdandy, nátıjesinde kásipkerlik sýbektisine talaptardy qanaǵattandyrýdan, onyń ishinde Qazaqstan Respýblıkasynyń Joǵarǵy sotymen bas tartyldy.
Sondaı-aq, Almaty qalasynyń «Small» jáne «Toimart» sıaqty iri saýda jelileri saýda ústemesiniń 15% asqany úshin ákimshilik jaýapkershilikke tartyldy.
Departament memlekettik baqylaý fýnksıalaryn iske asyrý boıynsha keshendi is-sharalardy ótkizgen kezde, SMALL saýda jelisin sot QR ÁQBtK-niń 462-baby boıynsha, memlekettik baqylaý fýnksıalaryn oryndaýy kezinde Departamenttiń laýazymdy tulǵalaryna kedergi keltirgeni úshin, ákimshilik jaýapkershilikke tartty.
Qazirgi ýaqytta úı janyndaǵy dúkenderde áleýmettik mańyzy bar azyq-túlik taýarlaryn satatyn josyqsyz kásipkerlerdi ákimshilik jaýapkershilikke tartý boıynsha keshendi jumys júrgizilýde.
Kásipkerlik sýbektileriniń nazaryn Departament «Saýda qyzmetin retteý týraly» Qazaqstan Respýblıkasy Zańynyń normalaryn saqtaýǵa turaqty negizde taldaý júrgizetinine aýdaramyz, osyǵan baılanysty saýda qyzmetin retteý týraly zańnamany qatań saqtaýdy suraımyz.