2024 jylǵy eginnen astyqtyń kelýine baılanysty álemdik naryqta bıdaı men arpa baǵasynyń ósý úrdisi baıqalýda.
Aǵymdaǵy jyldyń shilde aıynda egin jınaý jumystary bastalǵaly, Qara teńizdegi reseılik bıdaıdyń eksporttyq baǵasy 216 AQSH dollaryna jetti. Logıstıka shyǵynyn ($90/t) alyp tastaǵanda, Qazaqstandaǵy bıdaı baǵasy 61 myń teńge/t shamasynda boldy. Alaıda, Qara teńizdegi bıdaıdyń baǵasy tonnasyna 250 dollarǵa deıin nemese 78 myń teńge/tonnaǵa deıin kóterildi, dep habarlaıdy aqshamnews.kz.
Eksporttyq baǵadan keıin Reseı naryǵyndaǵy bıdaı baǵasy da artty. Qazirgi ýaqytta Omby oblysynda 23% kleıkovınasy bar 3-synypty bıdaı baǵasy 14,5 myń rúbl/t bolyp otyr. Kólik shyǵystaryn (2 myń rúbl/tonna) eskersek, Kókshetaýdaǵy reseılik bıdaı baǵasy 84 myń teńge/tonnaǵa jetti.
Qazaqstandyq bıdaı baǵasy 74-81 myń teńge/tonna deńgeıinde saqtalýda, bul otandyq óndirýshilerge qolaıly básekelestik jaǵdaıdy qamtamasyz etedi. Ortalyq Azıa elderiniń satyp alýshylary Reseı baǵasyna negizdelgen 65-70 myń teńge/tonna deńgeıinde usynys berýde. 23% kleıkovınasy bar bıdaı úshin 75 myń teńge/tonnaǵa deıin ósý múmkindigi bar, óıtkeni bul naryqtar úshin balama jetkizilim joq.
Arpa baǵasy boıynsha da uqsas úrdis baıqalýda. Qara teńizdegi eksporttyq arpanyń baǵasy 206 AQSH dollaryna deıin kóterildi, ári bul úrdis jalǵasýda. Qazaqstandyq arpa baǵasy Aqtaý portynda 165-168 dollar/t deńgeıinde, jáne kem degende 175-185 AQSH dollary/t deńgeıine deıin kóterilý múmkindigi bar. Bul jaǵdaıda arpa baǵasy tonnasyna 47-50 myń teńgeden 55-60 myń teńgege deıin kóteriledi.