Keıbir baqylaýshylar arandatýshylyq jaǵdaılaryna boı aldyrýǵa jol bermedi.
Almaty qalasy boıynsha QR Prezıdenti saılaýynan habar taratý jónindegi baspasóz ortalyǵyndaǵy brıfıńke Táýelsiz baqylaýshylar ortalyǵynyń jetekshisi, Almaty qalasyndaǵy partıalyq emes baqylaý ortalyǵynyń ókili Aleksandr Bratenkov qatysty, dep habarlaıdy Almaty-akshamy.kz.
Aleksandr Bratenkov anyqtalǵan buzýshylyqtar jalǵan sıpatta ekenin aıtty.
«Ártúrli baqylaýshylar boldy, olardyń pikirinshe, ártúrli buzýshylyqtar anyqtalǵan. Oqýdan ótken ózimizdiń baqylaýshylarymyz bulardy buzýshylyqtar retinde belgilemegen. Mysaly, bir uıym baıqaýshylardyń saılaý ýchaskesiniń aýmaǵynda erkin júrýine tyıym salynǵanyn anyqtaıdy. Olardan saılaý barysyn kórýge múmkindik beretin orynǵa otyrý usynylǵan. Bul talap óte ádiletti jáne «Saılaý týraly» Konstıtýsıalyq zańǵa sáıkes, eshkimniń, ásirese, baıqaýshylardyń daýys berý rásimine aralasýǵa quqyǵy joq dep esepteımin. Munyń bári zańdy. Bir emes, 10-12 baqylaýshy saılaý ýchaskesiniń aýmaǵynda júrip alsa, jáshikterge, kabınalarǵa, komısıa músheleriniń ústeline qaıta-qaıta bara berse, osy jaǵdaıdy elestetip kórińizdershi, onda bul daýys berýge kedergi jasaıtyndaı beıbereket qozǵalys ornyna aınalady», - dedi Aleksandr Bratenkov.
Baqylaýshynyń aıtýynsha, onyń basqa qoǵamdyq uıymdardan kelgen áriptesteri adamdar kabınaǵa jup bop kirgen kezde shaǵymdanǵan.
«Iá, saılaýshynyń senim bildirgen adamymen kabınaǵa kirýine ruqsat. Ony birden zań buzýshylyq dep tanýǵa bolmas. Negizinde, zańnyń 42-babynda múmkindigi shekteýli adam ózi senetin adamnyń kómegine júginý quqyǵy bar ekeni kórsetilgen. Osy aıtylǵandardyń barlyǵy, sonyń ishinde bizdiń baqylaýshylarymyzǵa zań buzýshylyq retinde áreket etpegeni týraly aıtylǵandar da synǵa tótep bere almaıtyny belgili boldy», - dep jalǵastyrdy Aleksandr Bratenkov.
Bratenkov óz baqylaýshylaryn jaǵdaıdy turaqtandyrýshylar dep atady, olar tipti basqa baqylaýshylardyń arandatýshylyq jaǵdaılaryna boı aldyrýǵa jol bermedi.
«Saılaý jaı ǵana ótkizilgen joq, ol jańa saıası mádenıettiń, jańa saıası kózqarastyń qalyptasýyna negiz boldy», – deıdi Aleksandr Bratenkov.
Sóziniń sońynda spıker saılaýdaǵy daýly sátterge adamdardyń sol nemese basqa faktorlarǵa qatysty ártúrli kózqarastary sebep bolǵanyn aıtty.
«Bir baqylaýshy faktini zań, zańdy negizder boıynsha baǵalasa, ekinshisi emosıonaldy pozısıa turǵysynan baǵa berýi múmkin», - dep túıindedi jergilikti baqylaýshy.