Prezıdent Qasym-Jomart Toqaev Parlamenttik reforma jónindegi Jumys tobynyń birinshi otyrysynda e-Parlament júıesi týraly aıtty, - dep habarlaıdy aqshamnews.kz tilshisi.
"Úshinshiden, aldaǵy reforma ekonomıka, áleýmettik jáne tehnologıalyq damý sekildi basqa da salalardaǵy jan-jaqty jańǵyrýlarmen úılesim tabady. Mysaly, sıfrlandyrý men jasandy ıntellektini engizý kúlli álemdegi memlekettik basqarý júıesin ózgertetini sózsiz", - dedi Prezıdent.
Birqatar elde qazirdiń ózinde "elektron" nemese sıfrlyq parlament" elementteri synaqtan ótkizile bastady. Bul azamattardy saıası ómirge aralastyrýdyń jańa formalaryn qamtamasyz etip, zań shyǵarý úderisiniń tıimdiligin arttyrý maqsatynda jasalady.
"Keleshekte bul úrdis kúsheıe túspek. Sondyqtan biz de osy baǵytqa sanaly túrde kúsh salamyz. Aldaǵy ýaqytta e-Parlament qazirgi elektrondyq úkimet – e-Gov sıaqty suranysqa ıe quralǵa aınalýy múmkin", - dedi Memleket basshysy.
Sol sebepti bir palataly Parlamentke ótý bir esepten jumystyń jańa qalyby men qarqynyna, tez sheshim qabyldaýǵa beıimdelýdi kózdeıdi. Iaǵnı zaman ózgerip jatyr, ol óz talabyn oryndatady, e-Parlament júıesi qyr astynda tur. Jaqynda ómirimizge dendep enýi múmkin. Sondyqtan zań qabyldaýda múlde qate jiberýge bolmaıdy.