Bul týraly búgin partıalyq emes baıqaý ortalyǵy respýblıkalyq qoǵamdyq birlestiginiń ókilderi brıfıń kezinde aıtty.
Qazirgi tańda óńirlerde baıqaýshylardy oqytatyn 80-nen astam is-shara ótti. Árbir 18 jasqa tolǵan, úkimettik emes uıym nemese qoǵamdyq birlestiktiń múshesi bolyp tabylatyn azamat baıqaýshy bola alady, dep habarlaıdy Almaty-akshamy.kz.
Ol Prezıdenttikke kandıdattardyń barlyǵyna teń qarap, saılaý prosesiniń mindetteri men quqyqtaryn túsinýi shart.
«6-dan bastap kiredi. Segizde árbir ýchastok jabylǵannan keıin búletenderdi joıý úrdisterine, tasymaldanatyn jáshikterdi, stasıonarlyq jáshikterdi ashý, sanaý úrdisterine bárine qatysyp, keıin sońynda saılaý ýchaskesiniń kók mór qoıylǵan hattamanyń kóshirmesin alyp kelýge biz mindet qoıyp otyrmyz», - dedi «Partıalyq emes baıqaý ortalyǵy» respýblıkalyq qoǵamdyq birlestiginiń tóraǵasy Tólegen Kúnádilov.